Popular Bible Verses from Kus 12

Share

Bamusingwize okufa kw'Omwana gw'Entaama n'obwakaiso bw'amananu obu bamuheriire; batataatirre bwomeezi bwabo, nangwa baikiriza n'okumufeera.

Kandi nahurra iraka erikooto omwiguru nirigamba liti: “Hati okujuna, amaani, n'obukama bwa Ruhanga waitu hamu n'obusobozi obwa Kristo we biizire, habwokuba omulegi wa bagenzi baitu, anyakubalega hali Ruhanga waitu nyamusana n'ekiro, abingirwe omwiguru.

Ekijoka eki kikooto kyahungurwa hansi, niyo enjoka egi eya ira enyakwetwa Omwohi kandi Sitaani, anyakubiihabiiha ensi yoona--yahungurwa omunsi hamu na bamalaika be.

Nahabweki, semererwa iwe iguru, na inywe abaliikaramu! Baitu ziribabona inywe ensi n'enyanja, habwokuba Omwohi abaiziiremu aina ekiniga kingi, kandi amanyire nkooku asigaize akasumi kake!”

Nubwo obulemu bwacwekere omwiguru, Mikairi na bamalaika be baarwana n'ekijoka; kandi ekijoka na bamalaika baakyo baarwana

Nubwo ekijoka kyabiihiriirwe omukazi, kyagenda kurwanisa oruzaaro rwe orwasigaireho, nubo abo abakwata Ebiragiro bya Ruhanga kandi abajurra Yesu.

Kandi haazooka omwiguru ekintu ekirukuhuniriza muno: omukazi ajwaire izooba, okwezi kuli hansi y'ebigere bye, kandi ha mutwe ajwaire ekondo ey'enyunyuuzi ikumi na ibiri. Omukazi ogu akaba akulize, naataaga habw'okurumwa ebisa, ali omu busaalizi obw'okuzaara.

Yazaara omwana w'obwojo ow'akaba ali w'okulema amahanga goona naagalemesa omwigo ogw'ekyoma, baitu omwana we yasahurwa, yatwarwa omba Ruhanga na ha kitebe eky'obukama bwe. Omukazi yairukira omwirungu nambere Ruhanga akaba amuteekaniriize ekiikaro h'asobora kuroleererwa kurungi okumara ebiro rukumi bibiri n'enkaaga.

Kandi omwiguru haazooka ekirukuhuniriza ekindi; nikyo ekijoka ekikooto ekirukutukura, ekiina emitwe musanju, amahembe ikumi, n'ekondo musanju ha mitwe yakyo. Omukira gwakyo gwasingorra kimu kya kasatu eky'enyunyuuzi ez'omwiguru, gwazinaga hansi. Ekijoka kyayemerra omumaiso g'omukazi ow'akaba ali haihi kuzaara, nukwo kisonsomere omwana we naakyamuzaara ati.

Baitu omukazi akaheebwa amapapa abiri ag'isamba erikooto, nukwo asobole kwiruka ekijoka, agende omu irungu, omu kiikaro nambere akaba naija kuroleerererwa okumara akasumi akali nk'emyaka esatu n'ekicweka. Ekijoka eki kyabooga ekisaaru ky'amaizi maingi, nikigaiha omu kanwa kaakyo, gahondere omukazi, nukwo entunga yago emutwale hara; baitu ensi yakoonyera omukazi agu, yayesama, yamira ekisaaru ekyaboogerwe ekijoka.