Popular Bible Verses from Kus 11

Share

Nubwo malaika owa musanju yatiire engwara ye, omu iguru haahulirwa amaraka makooto agaagambire gati: “Obukama bw'ensi buhindukire, bwaba bwa MUKAMA waitu n'Ogu ou yaseesireho amagita (nuwe Kristo), kandi alirema ebiro byona.”

Amahanga gakabiihirwa muno, hati akasumi kawe kahikire ak'okugafubira: abafiire okucwerwa omusango, n'abaheereza baawe okuheebwa empeera, nubo abarangi n'abahikiriire n'abo abakutiina, abato n'abakuru kandi nuko kasumi ak'okumaraho abahwerekereza ensi.”

Kandi abakaiso bange ababiri ndibaha obusobozi obw'okuranga okumara ebiro rukumi rumu omu bikumi bibiri n'enkaaga, baliranga bajwaire ebiguniya.”

Baitu obu haahingwireho ebiro bisatu n'ekicweka, orwoya orw'obwomeezi orwarugire hali Ruhanga rukabataahamu, baayemerra; n'abo boona abaababoine baatiina muno.

Baina obusobozi obw'okukinga iguru, nukwo enjura ereke kugwa omu biro ebi balimara nibaranga. Kandi baina obusobozi ha maizi okugahindura sagama, n'okuleeta omunsi buli muhito gwona ha bakagondiize hoona.

Abakaiso abo niyo emiti ey'oliva, n'ebikondo bibiri eby'etaara ebinyakuli omu maiso ga MUKAMA w'ensi yoona. Kakuba habaho weena arukubakora kubi, omurro gulibaruga omu kanwa, gumaleho abanyanzigwa baabo. Kakuba habaho weena arukubakora kubi, nawe nukwo ali w'okwitwa ati.