Popular Bible Verses from Mar 14

Share

Yagamba ati: “Abba”, amakuru ngu, Taata. “Ebintu byona noobisobora; onyiheho amabone ganu; nabwo kitaba nyowe nkooku ndukugonza, baitu kibe Iwe nkooku orukugonza.”

Murole kandi musabe, nukwo muleke kwohebwa; omutima nigugonza mali, baitu omubiri muceke.”

Mazimakwo nimbagambira nti: Hoona hoona omunsi nambere Amakuru Amarungi ganu garaarangirirwaga, omukazi onu eki akozire kiraagambwahoga okumwijuka.”

Nubwo yabagambiire ati: “Omutima gwange gwina obujune bwingi, buraaliire kunyita. Mwikale hanu nimurora.”

Obu bakaba nibalya, Yesu yakwata omugaati yasiima, yagucwamu, kandi yaguha abeegesebwa be naagamba ati: “Mukwate, mulye, gunu nugwo mubiri gwange.”

Kandi yakwata ekikopo, obu yamazire kusiima, yakibaha; boona baanywaho. Yabagambira ati: “Enu niyo sagama yange ey'ekiragaano ekihyaka, eraaseeswa habwa baingi.

Nubwo Yesu yabagambiire ati: “Inywena nimwija kumpemukaho; habwokuba kikahandiikwa kiti: ‘Nditeera omuliisa, entaama zirarange.’

Mwimuke tugende; arukungobeza ngugwo, airiire haihi.”

Nandiki Yesu ati: “Mazima ninkugambira nti: Kiro kinu kyonyini, enkoko etakakookere kabiri, oraaba onyehoogere emirundi esatu.”