Popular Bible Verses from Mar 13

Share

na inywe mulinobwa boona habwange. Baitu ogu aligumisiriza okuhika ha mpero, nuwe alijunwa.”

Mwerinde, mwikale nimurora kandi musabe, habwokuba titumanyire akasumi ako nambere kalihikira.

Obu balibatwara, bakabahayo kutongana emisango, mutalitunturra ebi muligamba, baitu mugambe kyona eki muliheebwa omu kasumi ako; habwokuba tibali inywe abalyetonganirra, baitu mulitonganirirwa Mwoyo Ahikiriire.

Iguru n'ensi birihwaho, baitu ebigambo byange tibirihwaho.”

“Baitu ekiro eki n'esaaha egi busaho n'omu abimanyire, noobu baakuba bamalaika ab'omwiguru, noobu yakuba Mwana wonyini, kwihaho Isenyowe wenka.

Obu mulihurra obulemu n'orugambo rw'obulemu, mutalitiina; ebi by'okubaho, baitu empero eriba etakahikire.

Nahabweki, mwikale nimurora, habwokuba timumanyire kasumi nyineeka akaliiziramu: asobora kwija omu kairirizi rundi omu itumbi rundi enkoko niikooka, rundi omu rukyakya. Kakuba aija aleke kubagwamu akasanga mugwijagiire. Ekindukubagambira, nikyo ngambira n'abandi boona nti: Mwikale nimurora.”

Ihanga liriimukirra erindi, n'obukama bulirwanisa obundi; halibaho emisisa omu biikaro bingi kandi haligwa ekiihe; baitu egi niyo ntandiko y'emihito.

Amakuru Amarungi gabanze garangirirwe omu mahanga goona.

Baingi abaliija omu ibara lyange nibagamba bati: ‘Ninyowe ogu!’ Kandi balihabisa baingi.

“Inywe mwerinde, habwokuba balibahayo omu nkurato, balibaterra omu masorrokaniro; mulyemerra omumaiso g'abalemi n'ag'abakama habwange, mube bakaiso bange hali bo.

Halizooka abarangi b'ebisuba n'abarukweyeta Kristo. Balikora ebyamahano n'ebirukuhuniriza, nukwo bahabise noobu baakubaire abakomerwemu.

“Baitu emihito y'ebiro ebi obu erihwa, izooba lirisiikirizibwa omwirima, n'okwezi tikulijwa, n'enyunyuuzi ez'omu iguru ziryeseesa hansi, n'amaani ag'omwiguru galitengesebwa.