Popular Bible Verses from MORERI 8

Share

Foo ka baka ditlhapelo, gonne motho ga a na sepe se se molemo fa tlase ga letsatsi bogolo go go ja, le go nwa, le go tlhapelwa; gonne moo go tlaa sala nae mo letsapeng la gagwe ka metlha yotlhe ya botshelo jwa gagwe, jo Modimo o bo mo neileng tlase ga letsatsi.

Le fa moleofi a dira bosula ga lekgolo, a ba a golola metlha ya gagwe, le fa go ntse jalo, ruri ke a itse fa go tlaa nna molemo mo go ba ba boifang Modimo, ba boifa fa pele ga one

Gonne boikaelelo bongwe le bongwe bo na le motlha le tshiamiso; gonne matladika a motho a magolo mo go ene.

Ga go na motho ope yo o nang le thata mo moweng go kganela mowa; le gone ga a na taolo mo motlheng wa loso; ga go na bofalolo mo ntweng eo; le boikepo ga bo ketla bo golola ene yo o ineetseng mo go jone.

Ereka katlholo ka ga tiro e e bosula e sa dirafadiwe ka bonako, ke gone ka moo pelo ya bana ba batho e tlhomameng mo go bone ka mokgwa o o tletseng, go tla ba dira bosula.

Go na le boithamako jo bo dirwang mo lefatsheng; ke go re, go na le batho ba ba siameng, ba go tleng go ba dirafalele ka fa tirong ya baikepi; gape go na le baikepi, ba go tleng go ba dirafalele ka fa tirong ya basiami; ka re, se le sone ke boithamako.

Gonne ga a itse sone se se tlaa nnang; gonne e mang yo o ka mmolelelang ka fa se tlaa nnang ka gone?