Popular Bible Verses from MORERI 7

Share

O se ka wa potlaka mo moweng wa gago go nna bogale; gonne bogale bo nna mo sehubeng sa dieleele.

O nne boitumelo mo motlheng wa tlhogonolofalo, mme mo motlheng wa pitlagano o akanye; Modimo o bapisitse motlha o mongwe le o mongwe, gore motho a tle a se ka a lemoga sepe se se tlaa nnang morago ga gagwe.

Bokhutlo jwa selo bo molemo bogolo go tshimologo ya sone; mme yo o pelotelele mo moweng o molemo bogolo go yo o boikgodiso mo moweng.

Gonne ga go na mosiami ope mo lefatsheng yo o dirang molemo a sa leofe.

Gonne botlhale ke phemelo, fela jaaka madi e le phemelo; molemo o o gaisang wa kitso, ke go re botlhale bo boloka botshelo jwa yo o nang najo.

Leina le le molemo le gaisa setlolo se se tlhokegang; le letsatsi la loso, le gaisa letsatsi le motho o tsetsweng ka lone.

Go molemo mo mothong go utlwa kgalemo ya ba botlhale, bogolo go go utlwa pina ya dieleele.

Go molemo go tsena mo ntlong ya khutsafalelo bogolo go go tsena mo ntlong ya ditlhapelo; gonne moo ke gone bokhutlo jwa batho botlhe; mme motshedi o tlaa go baya mo pelong.

Dipelo tsa ba ba botlhale di mo ntlong ya khutsafalelo; mme pelo tsa dieleele di mo ntlong ya ditlhapelo.