Popular Bible Verses from OMOBARO 14

Share

Timobaisa kwanga koigwera Omonene, na timobaisa kwoboa ababiare b’ense eria; abwo nigo barabe asetore buna endagera. Baurirwe okorendwa kwabo; Omonene nigo are amo naintwe; timobairoka.”

Inche Omonene tindi omwango bw’okoba nendamwamu, nigo inde omonyene amabera, naende nigo inde nobwanchani botari koera. Nigo nkwabera amamocho na ogosaria, korende tingotiga koa abana egesusuro goika ekiaare kia gatato, na egia kane, ase engencho y’amabe ’abaibori babo.

Onye Omonene okogokigwa naintwe, natoire aroro na gotoa ense eria entenenku ere namabeere na amooke.

Korende Kalebu, omosomba one, ekiagera abwate omoika ore nogwatananekana korwa ase oyo bwa baria bande, naende obeire okonyigwera buya ase amang’ana onsi, nimoire ase ense eria agendete koroota naende ning’ee abanto b’ororeria rwaye ense eria ebe eyabo.

Obatebie ng’a inche Omonene nigo ngoteba iga: Buna inche inde moyo, naigure amang’ana ayio mwakwanire, ayio naro ndabakorere.

Omonene agatebia Musa, “Ngoika ririri abanto aba barabe bagonchaya? Na ngoika ririri barabe batari konyegena, nonya nakorire ebikone ebinge ase egati yabo?

Abaisraeli bonsi bakaba bakwomania Musa na Haroni; bonsi bagakwana “Nigo anga yaba buya onye ntwakwerete Misiri, gose ase erooro eye.

Erio Yoshua, mosinto o Nuni, na Kalebu, mosinto o Yefune, baria barenge abamo be chirooti chiria chiarootete ense eria, bagatandora chianga chiabo, bagatebia omoganda bwonsi bw’Abaisraeli, “Ense eria twataarete ase okoyeroota nigo ere ense engiya mono.

Korende ekeene, buna inche inde moyo, naende buna ense yonsi eraichorwe nobonene bwane, onde tari ase abanto aba orasoe ense eria. Aba barorire obonene bwane na ebikone biria nakorete aaria Misiri, na ase erooro eye, korende nonya naboigo babeire bagonteema ase chingaki echi chionsi, nonya ng’ara ikomi, bangire konyigwera. Ase barabwo onde tari nonya noyomo, oranyare korora ense eria narierete chisokoro chiabo eira ng’a nimbayee. Onde tari ase abwo banchayete oranyare koyerora.