Popular Bible Verses from OMOBARO 13

Share

Korende Kalebu agakiria abanto tibabaisa koamereria Musa, agateba, “Tiga togende bwango, erinde toire ense eria, ekiagera intwe ntonyare kobua ense eria.”

Ee, ntwarora amamonto, abanto b’ororeria rw’Anaki. Intwe nigo twerora ng’a nabasinini mono, tore buna ebisase. Naboigo twarorekana asebare.”

Abanto baria bagendete amo nere bagateba, “Intwe titokonyara korwania abanto baria tobabue; nigo bare ne chinguru gotobua.”

Ase ayio bakarentera Abaisraeli amang’ana amabe igoro y’ense eria bagendete koroota, bagateba, “Ense eria twataara ime yaye koyeroota, nigo ere ense egoita abanto bamenyeteo. Abanto bonsi twarora nabatambe mono.

Barabwo bagatebia Musa, “Ntwagenda ase ense eria gwatotomete, ntwayenyora ng’a nentenenku ere namabeere na amooke, rora okwama gw’ense eria.

Korende nonya naboigo, abanto bamenyeteo nigo bare ne chinguru, na emechie yabo nemenene mono, naende egitire buya ne chindwaki. Tari ayio oka, korende boigo ntwarora abanto b’ororeria rw’Anaki bare aroro.

Abaameleki nigo bamenyete ase ense ya Negebu, ensemo ya irianyi y’ense eria; Abahiti, na Abayebusi, na Abaamori, nigo bamenyete ase ense y’ebitunwa. Abakanani barabwo nigo bamenyete ase enyancha enene mbarabare, naende ang’e norooche rwa Yorodan.”

Bakairana gochia ase Musa na Haroni, na ase omoganda bwonsi bw’Abaisraeli agwo Kadeshi ase erooro ya Parani, bakabatebia amang’ana onsi, na bakaborokia okwama gw’ense eria.