Popular Bible Verses from लूका 9

Share

यीसूए सभी किन्हें बोल्या, “जो कोई मेरा चेला बणना चाहां, से आपणी इच्छा पूरा करणे रे बजाए दुःखा रा क्रूस चकी किन्हें मेरा चेला बणे।

जो कोई आपणी जान बचाणा चाहां, तेस अनंतकाला री जिन्दगी खोई देणी, पर जो कोई मेरे कठे आपणी जान गुआई देह्न्गा, तेस ही हमेसा री जिन्दगी पाणी।

यीसूए तेस किन्हें बोल्या, “अगर कोई आपणी डोर्ही मन्झ हल च्लाणा सुर्हू करी दे होर फेरी पीछे देख्दा लगी जाए, से परमेसरा रे राजा रे लायक नी आ।”

होर अगर तुस्से पूरे संसारा री चीज़ा कठा करी ले, फेरी भी अनंत जिन्दगी नी पाई सके, होर तेता जो गुआई दे, ता तेस जो क्या फायदा हूंणा?

जिन्हा मेरे होर मेरे बचना री वजहा ले मेरा इनकार करणा, मां माह्णुं रे मह्ठे जेबे पवित्र स्वर्गदूता किन्हें आपणे बापू री महिमा साउगी आऊंणा, तेबे मां भी, तिन्हारा इनकार करणा।

यीसूए तेस किन्हें बोल्या, “लोमड़ीया रे डुआर होर आसमाना रे चिड़ुआ रे कोह्ल हुंहाँ ऐं, पर हांऊँ माह्णुं रे मह्ठे रे कठे सौणे जो घर बी नी हाया।”

होर तिन्हा किन्हें बोल्या, “जो कोई मेरे साउगी प्यार करहा से एस बच्चे जो अपनाहां, से मुंजो अपनाहां, होर जो कोई मुंजो अपनाहां से मुंजो नी, पर मेरे भेजणे वाल़े परमेसरा जो अपनाहां। क्यूंकि जो तुस्सा मन्झ सभी ले छोटे ले छोटा आ, सेई बडा आ।”