Popular Bible Verses from लूका 8

Share

पर बढ़िया जमीना पर पऊणे वाल़ा बेजा तिन्हा लोका साहीं आ, जो भले होर खरे मना ले परमेसरा रे बचना जो सुणे होर सबर रखी किन्हें परमेसरा री इच्छा जो पूरी करहे।”

झाकड़ा मन्झ पऊणे वाल़ा बेजा तिन्हा लोका साहीं आ, जिन्हें परमेसरा रे बचना जो सुणेया, होर संसारा री चिन्ता, पैसे रा धोखा होर जिन्दगी रे सुख विलासा मन्झ फसी जाहें, होर स्यों परमेसरा री इच्छा पर नी चली पांदे।

गट्टे वाली जमीना पर पऊणे वाल़ा बेजा तिन्हा लोका साहीं आ कि, जेबे स्यों सुणहां ऐं, ता बड़ी खुसी किन्हें परमेसरा जो बचन जो मन्हां ऐं। पर आपणे अंदर जड़ नी पकड़णने री वजहा ले स्यों थोह्ड़े ही ध्याड़े तक विस्वास रख्हा ऐं; होर परखणी रे टैम स्यों परमेसरा रे बचना पर विस्वास करना छाडी देहां ऐं।

होर यीसूऐ तिन्हा किन्हें बोल्या, “तुस्सा रा विस्वास केथी था?” पर स्यों डरी गये, होर हरान हुई किन्हें आपु मन्झ बोल्दे लगे, “ये कुणहां? कि तूफान होर पाणी री लैहरा भी एसरा हुक्म मन्हां ऐं।”

पैंडे रे बाढे पर पऊणे वाल़े बेजा तिन्हा लोका साहीं आ, जिन्हें परमेसरा रे बचना जो सुणेया; तेबे सैतान आई किन्हें तिन्हारे मना मन्झा ले बचन चकी किन्हें लई जाहाँ, ताकि स्यों विस्वास करी किन्हें उद्धार नी पाई ले।

क्यूंकि हर एक चीज़ जेह्ड़ी छुपिरी, से जाहिर हुई जाणी, होर हर एक रहस्य, प्रयासे मन्झ आऊंणा।

जेबे ज्नाने देख्या कि, हांऊँ ल्हुखी नी सक्दी, ता से काम्दी हुई आई, होर तेस्से तेसरे पैरा पर पई किन्हें सब लोका रे साम्हणें दसेया कि, मैं केस वजहा ले तू छुहेया, होर किहाँ ठीक हुई गयी। यीसूए तेस्सा किन्हें बोल्या, “मह्ठीऐ तैं विस्वास कितेया कि हांऊँ तुजो ठीक करी सक्हा, इधी कठे तू ठीक हुई, सांति किन्हें चली जा।”

तेबे स्यों यीसू वाले आये होर तिन्हें से जगाया, होर बोल्या, “हे माल्क! हे माल्क! आस्से डूबी किन्हें मरणे वाल़े ऐं।” तेबे यीसूऐ उठी किन्हें तूफान होर लैहरा प्रुआची होर स्यों रुकी गये, होर सभ कुछ सांत हुई गया।