Popular Bible Verses from लूका 3

Share

पर एता ले पैहले कि यहून्ना बपतिस्मा देणे वाल़े जो जेहला मन्झ पाई दितेया जांदा, सब लोका रा बपतिस्मा हुआ, तेबे यीसू रा भी बपतिस्मा हुआ, तेता ले बाद, जेबे यीसू प्रार्थना करेया करहा था, ता आसमान खुल्ही गया। होर पवित्र आत्मा जो कबूतरा रे रूपा मन्झ आपणे गास उतरदे देख्या। होर परमेसरे स्वर्गा ले बोल्या कि, “तू मेरा लाडला मह्ठा आ, हांऊँ तुध किन्हें बौह्त खुस आ।”

ता यहून्ना बपतिस्मा देणे वाल़े तिन्हा सभी जो जवाब दितेया कि, “हांऊँ ता तुस्सा जो पाणी किन्हें बपतिस्मा देहां, पर से जे आऊणें वाल़ा आ, जो मेरे ले सक्तिसाली आ; हांऊँ ता एस लायक भी नी आ कि, तेसरे बूटा रे तस्मे खोल्ही सकूं, तेस तुस्सा जो पवित्र आत्मा होर आगी किन्हें बपतिस्मा देणा।

इधी कठे एह्ड़ा काम करा कि जेता ले पता लगी सके कि तुस्से पाप करणा छाडी दितेया। होर फेरी आपणे-आपणे मना मन्झ एह्ड़ा मत सोचा कि, आस्सा रा बापू अब्राहम आ; क्यूंकि हांऊँ तुस्सा किन्हें बोल्हा कि, परमेसर इन्हा पात्थरा ले भी तुस्सा रे बदले अब्राहम रे कठे बच्चे पैदा करी सक्हा।

होर ऐबे ता छहू डाला री जड़ा पर रखी दितिरा, इधी कठे जो-जो डाल खरा फल नी देंदा तेस जो काटी किन्हें आगी मन्झ पाई किन्हें फुकी देहां ऐं।”

यसायाह नबिये यहून्ना बपतिस्मा देणे वाल़े रे मन्झ बोलिरा था जेबे तिन्हें आपणे कताबा मन्झ लिखिरा कि; “बियाबान जगहा मन्झ हाका पाणे वाल़े री अवाज सुणह्या करहा ई कि, ‘प्रभु रे कठे आपणे मन त्यार करा, तेसरी सड़का सीधी करा। हर एक घाटी भर्ही जाणी, हर एक पाहड़ होर टीला बराबर कितेया जाणा, जो टेढ़ा आ से सीधा, होर जो ऊँचा आ से नीचा, जो उबड़ खाबड़ आ से चौरस पैंडा बणी जाणा। होर हर लोका परमेसरा रा उद्धार देखणा।’”