Popular Bible Verses from लूका 2

Share

होर से खबर येई कि आज राजा दाऊदा रे गांऊँआं बैतलैहम मन्झ एक उद्धारकर्ता तुस्सा रे कठे जम्मिरा, होर येई मसीह प्रभु आ।

तेबे स्वर्गदूते तिन्हा किन्हें बोल्या, “मत डरा; क्यूंकि देखा हांऊँ बड़ी खुसी री खबर सुणाहां; जो सभ लोका रे कठे खुसी री गल हूणीं।

“स्वर्गा मन्झ परमेसरा री महिमा होर धरती पर तिन्हा माह्णुं मन्झ जिन्हा ले से खुस आ, सांति हो।”

होर यीसू बुद्धि होर कद काठी मन्झ होर परमेसर होर माह्णुंआं रे अनुग्रहा मन्झ बढ़दा गया।

होर एस गल्ला रा तुस्सा रे कठे ये चिन्ह हूंणां कि, तुस्सा एक बच्चे जो कपड़े मन्झ लपेटिरा होर खुरली मन्झ लेटीरा देखणा।”

होर तेस ईलाके मन्झ कुछ पुहाल थे, जो राती मदाना मन्झ रही किन्हें आपणे झुंडा री पैहरेदारी करेया करहा ऐं थे। होर प्रभु रा एक स्वर्गदूत तिन्हा वाले आई किन्हें खड़ा हुआ, होर प्रभु रा तेज प्रयासा तिन्हारे चारो तरफ चमक्या, होर स्यों बौह्त डरी गये।