Popular Bible Verses from लूका 4

Share

“प्रभु रा आत्मा मेरे गास आ, इधी कठे कि तिन्हें मुंजो गरीबा जो खुसी री खबर सुणाणे रे कठे मेरा अभिसेक कितिरा, ताकि हांऊँ कैदिया जो छुटकारे रा, होर काणेया जो नजर पाणे री खुसी री खबर प्रचार करूं। होर जो दभिरे ऐं तिन्हा जो छुड़ाऊँ। होर प्रभु रे अनुग्रह रे टैमा रा प्रचार करूं।”

यीसूए तेस जो जवाब दितेया कि, ये लिखिरा कि, “तू प्रभु आपणे परमेसरा री अराधना कर, होर सिर्फ तेसरी सेऊआ कर।”

यीसूए तेस जो जवाब दितेया कि, “ये लिखिरा कि: ‘माह्णुं सिर्फ रोटी ले ई जिउंदा नी रैंह्णां।’”

फेरी यीसू पवित्र आत्मा ले भरी किन्हें, यरदन दराऊआ ले वापस चली गया; होर चाली ध्याड़े तक आत्मा री अगुवाई किन्हें बियाबान जगहा मन्झ फिरदा रैहया।

यीसूए तेस जो जवाब दितेया, “पवित्र सास्त्र मन्झ ये भी लिखिरा आ कि, ‘तू प्रभु आपणे परमेसरा री परखणी मत कर।’”

जेबे सैतान परखणी करी बैठेया, ता थोह्ड़ी देरा रे कठे तेस वाले ले चली गया।

तेबे सैतान तेस जो लई गया होर तेस जो एक पला मन्झ संसारा रे सारे राज दस्से। होर सैताने यीसू किन्हें बोल्या, “मां ये सब हक, होर इन्हारी सान तुजो देई देणी, क्यूंकि ये सभ कुछ मुंजो देई दितिरा, होर जेस जो हांऊँ चाहूँ तेस जो ये सभ कुछ देई सक्हा। इधी कठे अगर तू मेरी अराधना करघा, ता ये सब कुछ तेरा हुई जाणा।” यीसूए तेस जो जवाब दितेया कि, ये लिखिरा कि, “तू प्रभु आपणे परमेसरा री अराधना कर, होर सिर्फ तेसरी सेऊआ कर।”

तेबे सैताने यीसू जो यरुस्लेम सैहरा मन्झ लई जाई किन्हें मन्दरा री चोटी पर खड़ा करी दितेया, होर तिन्हें यीसू किन्हें बोल्या, “अगर तू परमेसरा रा मह्ठा आ, ता एतो साबित करणे रे कठे आपणे आपा जो एथी ले हेठा जो सट्टी दे होर तुजो चोट नी लगणी, क्यूंकि, परमेसरे पवित्र सास्त्र मन्झ ये लिखिरा कि: ‘तेस तेरे बारे मन्झ आपणे स्वर्गदूता जो हुक्म देणा कि, से तुजो बचाई ले, होर तेस तुस्से हाथो-हाथ चकी लैणे; केते एह्ड़ा नी हो कि तेरे पैरा जो पात्थरा किन्हें चोट लगे।’” यीसूए तेस जो जवाब दितेया, “पवित्र सास्त्र मन्झ ये भी लिखिरा आ कि, ‘तू प्रभु आपणे परमेसरा री परखणी मत कर।’”