Popular Bible Verses from Mateu 6

Share

Nanso woopacera, mwaavye umwene wa Nluku ni isariya cawe, ni nnyo citthu cothene nnyo nnaahala wuncereriya.

Phimaana, nhirecele itthu yo meelo, kontha nihuku no meelo nno ninaahala wiirecela. Khula nihuku cinaatosa coonanara caya.

Phimaana kinawuhimeryani wiira nhikhale ni masukuli mphavelaka iyolya, atthuna yowurya, ni ikuwo yoowara. Kontha ukumi unaavikana iyolya ni irutthu inaavikana coowara.

Nanso nyu mwaswaliki, nkele mpaani mwinyu, ntthyee nkhora ni mwaavekele athumwaninyu ari wirimu. Vano athumwaninyu ari wirimu anoona citthu cothene ciri nsiirini, anaahala wuutthuvani.

Vano nyu nswaliki coo: Athumwanihu nri wirimu, ncina ninyu nittakattifihiye. Umwene enyu uwe. Utthuna winyu upankyee, vathi va toko wirimu.

Nnivahe iyolya ehu yo'lelo.

Nnilevelele cookosa cihu toko cinaalevelelehu annikosera.

Nhinihiye mwa coothepya, nanso nnoopole mwa coonanara, kontha wawinyu uri umwene, ikuru ni nttittimiho mahuku othene. Ameni.

Maana mwaalevelelaka atthu cookosa caya nnyo, ciicammo athumwaninyu ari wirimu ammowulevelelani.

Mwaawehe asaanuni ooculu; khaanaala ni khaanrottovola, hata khaanhephela mmakhupini mwaya, nanso athumwanaya o wirimu anawaavaha iyolya. Nyu mw'atthu o'fayita waapwaha asaanuni.

Vano nyu nhiithotokanihere mihakhu cinyu ilapo yo vathi va unliyaya uweese ni nrenci na atthu owinnya unhukhacaya. Nanso nyu mwiithotokanihere nhakhu wirimu uhinliyaya n'uweese ni nrenci, hata atthu owinnya khaanhukhaca. Kontha nipuro niryaya nhakhu inyu, vaava ciicammo phiryaya nrima enyu.

Khaawo nohala woorya waarumeela akunya eeli, kontha naahala unhanyuriha mmoca n'unfenta nkina uyo, atthuna nohala unlemeliha mmoca n'unvenwiha nkina uyo. Khawanooryaa unrumeela Nluku n'urumeela mihakhu.

Vano mooneke mananna Nluku cinwarihawe makukhu o ntakhwani, ankhala ilelo ni meelo ampahiya wamooroni. Commo naahala wuuwarihani nyu, atthu owaamini vakani!

Nanso nyu mwankavihaka ntthu, mpanke woohiittottopa hata mpwana enyu oonkhuluvela hicuwele itthu ipankilenyu. Ipankilenyu iyo ikhale nsiirini, na athumwaninyu ari wirimu anoona citthu cothene ciri nsiirini, anaahala wuutthuvani.

Mwiinemecere, nhipanke miteko cinyu coorera nnyo uhoolo wa atthu wiira nttottopeliye na ayo, maana mwapankaka commo, khannohala uphwanya itthuvo wamiithoni wa athumwaninyu ari wirimu.

Vano nyu mwantthukaka ramatani, nhithoonyere ikhove yoocukulaca toko anamirima miili; aneecooneha wamiithoni wa atthu wiira ahontthuka ramatani. Khweli kinawuhimeryani wiira ayo ahaakhela itthuvo caya. Nanso nyu mwantthukaka ramatani nkhuce ni nvace ikharari cinyu, wiira nhiicoonehe waatthuni wiira nhontthuka ramatani, nanso mwiicooneehe wa athumwaninyu ari wirimu anoona citthu cothene ciri nsiirini, anaahala wuutthuvani.