Popular Bible Verses from Mateu 5

Share

Khimpariheliya isamaninya phweesiyaka nkhwikwicira. Nanso ineesiya nipuro nowoonnya, wiira yaamwaleele atthu othene ari mpaani. Ciicammo, isamaninya enyu inlamuliya upharela wariyari wa atthu, wiira cooninye coovara cinyu coorera, ni attottopeliye athumwaninyu ari wirimu.

Nyu nri waarya wo mwiilaponi. Khinvithiya isittatti yootekiya waculu mwaako.

Ahoreriya ale ari oorera nrima, kontha anaahala umoona Nluku.

Ahoreriya ale anvoliya itala ni ntthona no'sariya, kontha anaahala urupala.

Nanso mi kinwiirelani coo: Mwaafente eenani inyu ni mwaavekelele ale anowoomolanihacani

Ahoreriya ale oohuva munnepani, kontha Umwene wo wirimu uri wawaya.

Ahoreriya ale mayowaataniha atthu, kontha Nluku naahala weehana asaanawe.

Ahoreriya ale anonla kontha Nluku nawaamaaliha.

Ahoreriya ale anoomolanihaciya nlattu woovara intthunawe Nluku, kontha umwene wo wirimu uri wawaya.

Ahoreriya ale anoonela ikiriri akhwaya, kontha Nluku naahala woonela ikiriri.

Nhoreriya nyu mwaruwaninyaka, nlupatthiyaka ni mootheraciyaka nlattu wawaka. Ntteeliye ni ntthape kontha nhosunkeriya wirimu itthuvo yuulupale. Ciicammo pheenryaya wowoomolanihiya minapiyu caariwo nyu nhinaya.

Ahoreriya ale owiiyeviha kontha ilapo yo vathi inhala ukhala yawaya.

Nyu nri maakha o mwiilaponi, vano maakha yalulaka anhala uhokoleela tho cani uciva? Khaanciva tho, uri paahi uriha ni unyakelaciya na atthu.

Phimaana, nkhale ooloka toko ciryaya ooloka athumwaninyu ari wirimu.

Nanso wuulumaca winyu nwo ukhaleke wowiira: Aye, aye. Mena, mena. Impwaha va, inkhuma wa Ntakhali.

Nheewa yiiriyaka: Niitho ni niitho, niino ni niino. Nanso mi kinwiirelani coo: Nhinlivyaanihere yoonanara mwiinani enyu, nanso ule nohala uwaattani nrama no nlopwana, unthetyeeleke nikina nno.

Wakhalaka wiira niitho naa nno ninawukosiha, utamihe ni urihele uttayi, phatari uhaleele mphantte mmoca wo'rutthu aa, wiira ihiriheliye irutthu aa yothene umooroni. Wakhala wiira ntata naa no nlopwana ninawukosiha, uthikile ni urihele uttayi, phatari uhaleele mphantte mmoca wo'rutthu aa, wiira ihiriheliye irutthu aa yothene umooroni.