Popular Bible Verses from Mateu 7

Share

Nlepeleke ni nnaavahiya; mwaavyeke ni nnaaphwanya; mwaatteke nkhora ni nnaahuleliya.

Maana ule nolepela nawaakhela, ule naavya naaphwanya ni ule naatta nkhora naahuleliya.

Phimaana ale othene aneewa ala moolumo aka ala, ni attharihelelaka, kinaalikanihera toko nlopwana o miruku aatekile inupa awe waculu mwala.

Cothene cimphavelenyu wiira mpankeliye na atthu, ni nyu ciicammo mwaapankeleke akhunaninyu, kontha nenno phiri Nlamulo ni Minapiyu.

Kontha, nkhora mwankani uri iphiro yoophuryaa inaarwana atthu wukumini, ni ari vakani ankela yeeyo iphiro eyo.

Nkelele nkhora woophurya, kontha nkhora muulupale ni wowaatapuwa iri iphiro inaarimeliha atthu, ni ari enci ankelela yooyo nkhora uyo.

Vano, nyu nri oonanara nrima, nnaacuwela waavaha asaanenyu citthu coorera, eere tho Athumwaninyu ari wirimu anaavaha citthu comaana ale anonlepela!

Nhihukhumu, wiira ni nyu nhihukhumwinye, kontha ni ihukhumu inhalenyu unhukhumwela nkhunaninyu, yeeyo phinhalenyu uhukhumweliya. Ciicammo ni nliko unhalenyu umphimela, yooyo phinhalenyu uphimeliya.

Ale othene aneewa moolumo aka ni phihittharihelelaka, kinaalikanihera toko nlopwana oohi miruku aatekile inupa awe wanhaavani.

Unweherani niphalapacu niri nniithoni mwa munnaa, nanso khunwacawaca ithaapwa iri nniithoni mwaa? Unoorya cani umwiirela munnaa: Nkankani kuukumiheni niphalapacu niri nniithoni mwaa, ni we unarina ithaapwa nniithoni mwaa!

Mwiirattavelele mo minapiyu cowootha, aneecooneha toko ikhontwaa, nanso nhina mmo ari miici cowinnya. Vano nnohala waacuwelela nlattu wo mihokorokho caya. Cinaarukuliyaka imanka mmiiwani ni hata ikhacu khacinrukuliya mmarokani?

Commo, miri cothene comaana cineema mihokorokho comaana, nanso mwiri woohimaana uneema mihokorokho coohimaana.

Khawanooryaa wiira miri comaana cinawiima mihokorokho coohimaana, hata mwiri woohimaana khuneema mihokorokho comaana.

Miri cothene cihineema mihokorokho comaana, cinaathikiliya ni uvonyeriya wamooroni.