Popular Bible Verses from Annefesu 6

Share

Kontha ikhotto ehu khiri yo waanana irutthu ya ntthu, nanso naananeke alamuli, anamasintta, naananeke ahooleli o mpiphini ari yoola ukati ula, naananeke anakuru anhoolela minepa coonanara ciri mapuro o wirimu.

Nvekeleke nlompaka ukati wothene muNnepani, mmwehawehaka ni uwehererya wohenyeenya ni waavekelela attakattifu othene.

Mmwareke ikaruma cothene ca Nluku, wiira mweemele woohittenkuwa, mwaananaka ulavilavi unnilupatthawe Sotwani

Phimaana, nkuseke ikaruma cothene ca Nluku, wiira nkhale woohittenkuwa naphiyaka nihuku noonanara, ni wiira nnatthemilene, nkhale woohittenkuwa.

Nkuse nkhikicero wo nroromelo, yooyo unhalenyu uttipihera myuupa cothene co mooro ca mwiinani. Ciicammo, mmware ikofiyo yo'yuma yo woopwa, ni ikatana yo Nnepa, niri nuulumo na Nluku.

Nhittenkuwe, nkhale owiitthukela nnyununi mwinyu ncako wo'khweli, ni mmware wakhakaacani winyu va nikula no'sariya, ni mmware ikwakwatta nnyaani mmo, mwiitthenkemanihe wiira mwahimye nhupi woorera wo'salama.

Woomalihera, asunnaka kinwiirelani wiira mwiilipihace mwa Apwiya ni ikuru coolipa waya.

Waalemelihe athumwana ni anumwana, nna phi nlamulo noopacera no nkhuluveliho, wiira weette ratta ni ukhale nkumi mahuku menci mwiilaponi mu.

Nyu asaana, mweeweleleke athumwaninyu ni anumwaninyu mwa ncina na Apwiya, kontha iyo phi isariya.