Popular Bible Verses from Annefesu 5

Share

Vano, nkhale oontakiha Nluku, toko asaana oofentiya. Mweette nnifentoni toko Kristu wanifentilyawe, eevahereraka nlattu wa hi, ukhala yoovaha ni wiipanka isataka ya Nluku, yoonukhela womaana.

Phimaana mwiweheehe sana cineettenyu, nhikhale toko ohaankhili, nanso toko acuwelaci, mphimaka ukati, kontha mahuku ayo vano ari oohiloka.

Ni nhihapaliye ni ivinyu, immwiiha ihasara, nanso wucareni Nnepa. Nhimeryaneke ni macipo a Nluku ni macipo o muNnepani, mwiipaka ni mwatthapelaka wanrimani winyu Apwiya, ninsukuruku ukati wothene Nluku ihu ni athumwanihu, mwa ncina na Apwiy'ehu Yesu Kristu.

Phimaana nhikhale toko aphuku, nanso mwaavye ucuweleeha utthuna wa Apwiya.

Alopwana, mwaafenteke amwaarinyu, toko Kristu wafentilyawe ikereca ni mwanene hovaha ukumi awe nlattu wo yeeyo

Kontha khalayi mwaari mpiphini, nanso vano nri waarya mwa Apwiya. Mweetteke toko asaana owaarya

Mwiiwelelane ntthu ni nkhwawe munlemelihaka Kristu.

Athiyana, yeeweleleke awannyaya, toko Apwiya

Vano kineera, khula ntthu aafente amwaarawe, toko waneefentawe mwanene, ni athiyana yaalemelihe awannyaya.

Phimaana, nlopwana naahala waahiya athumwane na anumwane, nokowaaluttana amwaarawe, ni oyeeli ankhala irutthu imoca.

Cihikhale cowuurumelani miteko coohi mihokorokho ciri co mwipiphini, nanso mmwamwihe.