Popular Bible Verses from Afilipu 1

Share

Kihokupalela ukhala ikhweli wiira, yoole pacenre nteko womaana mwa nyu, naahala umalihera mpaka nihuku na Yesu Kristu.

Vano mi kinaanvekela Nluku wiira nifento ninyu nno nuncererye cinene muucuwelacani ni mwaankhilini mothene, waacera wiira nthanle citthu comaana ni nkhale atthu eekhweli ni oohicovaciya mpaka nihuku na Kristu

Maana wa mi, ukumi ri Kristu, ni ukhwa iri ifayita.

Vano kinaansukuru Nluku aka imaara cothene cinwupuwelakani.

Nanso nnolamuliya paahi weetta toko ciinryaya nhupi woorera wa Yesu wiira, hata wanhalaka uwa wuwehani, pooti uhikhala ni nyu, kiiwe wiira nri nnepa mmoca, mwaanaka wamoca ni nroromelo no nhupi woorera.

Toko commo, kinaawehererya n'uroromela wiira khiiwo inhala ukuulihiiha muru. Nanso, n'ukhuluvela wothene, Kristu nohala ukhala owunnuwihiya mwirutthuni mwaka, ukhuma khalayi mpaka nna va, pooti ukhala nkumi atthuna ukhwa.

Maana nyu nhovahiya ihathuwa kahi paahi yoonkupali Kristu, nanso ciicammo yoohuva mwa yooyo.