Popular Bible Verses from Markus 7

Share

Soalnya dari hati timbul samua yang jaha: pikiran jaha, baseks bebas, bapancuri, babunung, bersina, sraka, keji, putar-bale, nyanda ada moral, pangmangiri, bahojat, sombong deng kabal. Samua tu hal-hal jaha itu kaluar dari hati kong beking orang jadi berdosa pa Tuhan.”

Apa tu da maso pa torang, itu nyanda mo beking torang berdosa pa Tuhan. Mar apa yang da kaluar dari pa torang, itu yang beking torang berdosa pa Tuhan.” [

Kong Yesus manyao pa dorang, “Hei ngoni orang-orang munafik! So butul no tu Tuhan Allah da bilang dulu pa nabi Yesaya tentang ngoni. Tuhan Allah da bilang bagini, ‘Bangsa ini puji pa Kita deng dorang pe mulu, mar dorang pe hati jao dari pa Kita.

Nyanda ada guna dorang ja semba pa Kita. Soalnya tu ajaran yang dorang ja kase ajar pa orang-orang, itu cuma iko manusia pe adat.’

Jadi bagini, Tuhan Allah pe prenta ngoni nyanda pake, mar tu manusia pe prenta ngoni iko akang.”