Popular Bible Verses from Markus 8

Share

Sapa yang mo hidop cuma for de pe diri sandiri, so dia tu nyanda mo dapa hidop kekal. Mar komang, sapa yang mo kase de pe hidop lantaran iko pa Kita deng lantaran tu Kabar Bae, so dia tu mo dapa hidop kekal.

Apa so de pe untung kalu satu orang dapa samua tu harta dunia, mar dia nyanda dapa tu hidop kekal?

Yesus pangge tu orang banya deng Dia pe murit-murit kong bilang pa dorang, “Sapa tu mo iko pa Kita, dia so nimbole iko tu de pe mau, dia musti pikul de pe salib tu de pe arti dia siap mendrita sampe mati, kong iko pa Kita.

Soalnya ada so yang dia bole mo kase for se tukar supaya dia bole dapa tu hidop kekal? Nyanda ada to? Sapa yang malo mo mangaku kalu dia ja iko pa Kita deng tu Kita pe ajaran di muka orang-orang skarang yang jaha deng nyanda suka iko pa Tuhan Allah, tu Anak Manusia lei mo malo mangaku kalu tu orang itu ja iko pa Dia deng tu Dia pe ajaran waktu Dia mo datang ulang. Waktu Dia mo datang itu, Dia mo datang deng Dia pe Bapa pe kuasa yang luar biasa deng lei mo datang sama-sama deng tu malaekat-malaekat yang kudus.”

Trus Yesus batanya pa dorang, “Mar kalu menurut ngoni, sapa dang Kita?” Petrus manyao, “Guru itu Kristus tu Raja yang se slamat pa manusia!”