Popular Bible Verses from Mbete Marki 12

Share

Zezu yih nzak ye ɓahri : « Bolkusol ké ŋger mba mbaŋuri mí na-ay : Gun Izarayelri, í lah, Miƴori mí ɓa Ŋgerzah wah. Miƴori ɓa mbew yaŋ . Miƴori ɓa Ŋgerzah wo, mu sá ni ke law wo gbam ke mun wo gbam ke kerɓay wo gbam ke huhrumun wo gbam. Ɓay a seɗe-u ƴo ri mí na-ay : Mu sá nzuk mbaŋ wo eŋ mun wo kaŋ. Ɓay a ɓoru ké ŋger mba bolkusolri ké seɗe-ay ta-a. »

Wara mí Zezu ɗi nzuk-dih fal yeri, ke ɓahri : « Wu̧y seh-ay hi̧ fe a ketina. Mi ƴo ɓah hi̧ wuri ɓahri se, fe hi̧na ye-ay ŋgi̧ kal tul fe hi̧na nzuk a a̧wri gbam ɓayu ké nzuk fe ziŋnari-aw, ku kehr nzak fe ziŋna woyri mí gi ku̧. A ye wu̧y seh-ay ba, ɔh tɔr fe ké-e ƴo keni ɓay so mun ye gaŋ mí ke hi̧-aw. »

Mí Zezu si kaɓ el ko kona ma tul gel ké ŋgoro fe hi̧na in na ri. Ke hekre daɓa nzukri ké ƴo gi ke fe hi̧na woyri ku̧ ɓil ŋgoro-uri. Mí daɓa nzuk fe ziŋnari ƴo ɓu lari ɓa ŋgi̧-u. Ke el ko wu̧y seh mbew ɓa ko̧hko-u gi ɓu gun lari mbew mbew seɗe ku̧ ri.

Nzuk ɓay sa ni ke law ye gbam ke kerɓay ye gbam ke huhrumun ye gbam pi, ke él sa nzuk mbaŋ ye eŋ mun ye kaŋ. Ɓayay kal tul fe puhnari gbam ké nzukri nzuh hi̧ Ŋgerzah ke fe puhna a ɓoruri kú-u gi keni hi̧ ni. »

Bale ke ɓahri : « Kaŋ dale fe sezar le, í hi̧ sezar. A wo nzuk pirmatul ké Ŋgerzah laɓ mu ɓa fe tem ye le, mú hi̧ Ŋgerzah gaŋ ba. » Gosoɓay mba niri.