Popular Bible Verses from Mbete Marki 13

Share

Nzukri gbam ɓay fu̧y wuri ɓayu ké i ƴo tul riŋ bi. Nzuk ɓay te yi̧n ye hi̧ kú i. Bah gun ɓay te gun ye hi̧ kú i. Gun ɓay ur ziŋ nzukri ké mbuŋ ni ɓay i niri. Mí nzuk ké su̧h law ye tul riŋ bi kpu̧ru ka̧h hul ye le, ke ɓay ti̧h ke ndɔk hul.

Í ko ger. Í ƴo tul bɔk woiri ɓayu ké i tu nam ké gun nzuk pirmatul ɓay el gi keni ya.

Gelku-u kɔklɔ wuri si ndoh ndɔk nzukri le, í hi̧ law woiri ɓá lu ya. Law woiri ɓá nzah ɓay ké i ɓah-u ké pol nzukri ra ya. Wara le ɓay ké Tempuki hi̧ wuri ke sa̧wseh-u le, í ɓah. Ɓayu ké ta ɓa ɓay woiri mí i ƴo ɓah-u ya. Wara le ɓa ɓay Tem lawpuki mí i ɓah hi̧ nzukri-aw.

Nunmbam ke tusiɓa ɓay ka-kal, mí ɓay biri ba, ɓay na kpatara.

Ɓay tu ɓay nam gina gun nzuk pirmatul mini sa̧wseh-u ra, nzuk mbew ta tu ya. Tem nzak pihna Ŋgerzahri ké ƴo nunmbam kara ta tu ya, gun kara ta tu ya pi. Ɓa baah ke hȩk mí tu.

Gelke i lah ɓay ŋgermuri ma gini ma sa̧ le, í hi̧ law woiri ɓá lu ya. Na ani ani gaŋ kara ŋgermu ɓay laɓu. Keni-aw kara sew a ɔh tɔr sewri ta-a ɓáy.

Kaŋaw mí í ƴo tul bɔk ɓayu ké i tu nam ké nzuk puh ɓay el gi keni ya. Ke él ke bɔklew mini ke haŋgel mini ke káh tuhndoy mini ke tipele kara i tu ya pi. Í ƴo tul bɔk ɓay rɔkɔ ké gi ti̧h tul woiri kpur ké tul nam. Ɓayay ké mi ƴo ɓah hi̧ wuri-ay, mi ƴo ɓah hi̧ nzuk a ɓoruri gbam : Í ƴo wuri tul bɔk.

Sa̧wnzukri ɓay ur ruh ŋgermu ke sa̧wnzuk a ɓoruri. Puh laknari ɓay ruh ŋgermu ke puh lakna a ɓoruri pi. Tusiɓa ɓay laŋ yik yik ke gelri ɓoɗ ɓoɗ. Ɗaka ɓay lih puhri. Kosehri-aw ɓa titil fe munu ɓay na kandɔk mahɓil ké kaɓ peŋe ɓay mbuŋna kaŋ.

Na ani ani gaŋ kara sa̧wnzukri gbam ɓá lah ɓaysuki bi.

Nzukri ɓa ŋgi̧-u ɓay mbi riŋ ɗina bi ɓahri, a woyri ku ɓa Ŋgermbay. Mí ku ɓay ra̧h keni daɓa nzukri.

Í ko tul woiri ger. Ku ɓay mgba wuri si pol ŋgernzuk vul misoŋri hi̧ ku kuŋ salɓay ku̧ tul woiri. Ké vul misoŋ ku zɔ́r wuri ke ndehdɔŋ. Ku ɓay si ziŋ wuri pol guvener-ri ke mbay tusiɓari ɓayu ké i ƴo tul riŋ bi. Fe-u ɓay laɓ hi̧ wuri í te-teh ɓay bi hi̧ niri ku lah.

Wara mí nzuk a suŋ suŋ ké ɓahri, Ŋgermbay mí ƴo-ay, mini, ke ƴo sa̧-aw le, í ya̧ ɓay ye ya ɓayu ké nzuk nzak rɔknari ɓay sɔk mun woyri ɓa Ŋgermbay ya le, ɓa gun nzak pihna Ŋgerzah. Ku ɓay laɓ fe saŋri ke feri ké mah kona ya ɓay hi̧ nzukri reh ful. Ku ɓay leh ŋgerna woyri ɓay hi̧ nzukri ké Ŋgerzah lu niri ɓa sa̧w ye ɓá reh ful.

Aŋay dale fal kosehri-aw, seh ɓay sih nduŋ. Few ta teh gel mba pi. Gunwu̧y nunmbamri ɓay ga̧y ku̧ siɓa. Ŋgerna fe nunmbamri ɓay laŋ yik yik.