Popular Bible Verses from 1 BAKORINTHE 12

Share

E mong le e mong o amohetse neo ya ho bonahatsa Moya hore bohle ba fumane molemo.

Lona le mmele wa Kreste. E mong le e mong wa lona ke setho sa wona.

Haeba setho se seng se utlwa bohloko, ditho tse ding tsohle di utlwa bohloko le sona; kapa ha se seng se roriswa, tse ding tsohle di thaba le sona.

Moya o nea e mong ho bua ka bohlale, athe wona Moya oo o nea e mong ho bua ka tsebo. Moya o nea e mong tumelo, athe wona Moya oo o nea e mong neo ya ho fodisa. Moya o nea e mong matla a ho etsa mehlolo, e mong ho porofeta, e mong ho kgetholla meya; Moya o nea e mong neo ya ho bua ka maleme asele, athe e mong o mo nea ho a hlalosa.

Tsena tsohle di etswa ke wona Moya oo o le mong feela, mme o abela e mong le e mong kamoo o ratang kateng.

e le hore ho se be twantshano mmeleng, ditho di hlokomelane.

Ho na le dineo tse fapaneng, empa Moya o fanang ka tsona o mong. Ho na le mekgwa e fapaneng ya ho sebeletsa, empa Morena ya sebeletswang o mong. Ho na le mesebetsi e fapaneng, empa Modimo ya sebetsang tsohle ho bohle o mong.

Bao Modimo a ba beileng kerekeng ke bana: ba pele ke baapostola, ba bobedi ke baporofeta, ba boraro ke baruti; ho nto latela ba etsang mehlolo, le ba dineo tsa ho fodisa kapa ho thusa ba bang, kapa ho busa, kapa ho bua ka maleme asele.

Efela mmele hase setho se le seng, empa ke ditho tse ngata.

Esita le ditho tsa mmele tseo e kang di fokola haholo, ke tsa bohlokwa.

Haeba mmele wohle e ne e le leihlo, ho ne ho tla utluwa kang? Haeba mmele wohle e ne e le tsebe, ho ne ho tla fofonelwa kang? Empa Modimo o hlophile ditho tsa mmele, se seng le se seng, kamoo a ratang kateng. Haeba ditho tsohle e ne e le setho se le seng, mmele o ka be o le kae?