Popular Bible Verses from ɛLuka 7

Share

iPhɛ ɛlɛy yang, nzi ne bok kɛ, kɛ ne hana ɛbhɛ ne ɛfɔt ɛbhɛ wo ne ɛbhɛ so gbom mo, daa ɛli ne ɛ kɛ ma tɔɔl me ishwim ba gbom. ɛNyi gha ne kɛ ne hana ɛbhɛ nɛ ncɛt to nang, ɛ kɛ ma tɔɔl ishwim ba ncɛt.” ɛYɛso gha ne ji yaak ɛkuk ka, “Kɛ hana yɛ ne ɛfɔt mo wo.”

ɛYɛso gha ne yaak ɛkuk ka, “ìNang ne iTin mo de kɛ phɔt tɛ, cwi me ncaang.”

Ne ɛ kyinak ɛtsim ɛYɛso gha, cɛcɛk ne ɛbhɛ, ɛ san, nyilis ɛbhɛ na ne jii sirit re ne ita ɛYɛso de. Ne ɛ ji bo itsotso ne ito ɛbhɛ ɛ yis nɛ niyilis na. Ɛ ji ho ne irwa-nggburuk ne ita ɛYɛso de, ɛ wum iphɛ hap ɛ sit iphɛ ne nɔɔy ba.

iPhɛ phɛ kɛ te sɔng nzi yaang nggɛ hɔn nzɛ yɛɛs ɛlɔ mo gha nang. Ku shɛɛ ɛnggyɛ wo te ɛ boote zɔng, ɛkpuru nge gha yaa ne te ɛken. Daa ɛli ne mee wo, ma n bok ɛndiinday, ne n bok nisooja ne nzi ma wɛɛ nibhɛ. Nzi yaak ɛdɛng, ‘Cwi ɛnggyɛ,’ ne ɛ phɛ. Ne n da yaak ɛdɛng, ‘Yɛɛs ɛbɛ,’ ne ɛ yɛɛs. Wu nggɛ ne yaak ɛkpuru nge gha, ‘Mɔn ɛlɛ,’ aa ne mɔn.” Kɛ ne sɛ ɛYɛso gha kɛ phok ibol lɛdee wo, ne ɛ wum me zii, ne ɛ ji hyereey, ɛ yaak ninyi na nɛ nibhɛ kungus ɛbhɛ wo, “Nzi tɔng nyini itin nɛ, sɔng nggɛ ku sɛ ihywee ne ìnang ne itin nɛdee wo ndɔ niSɛrɛla de nang.”

Nɛ nten-nten nɛ, ɛYɛso gha ne tes ninaa ne shwa na niken ihywee-ihywee. Ɛ tuul ikpabyik niphoo ndɔ ninaa nɛ nibhɛ bok ifɛ, ɛ ta phaasel ninaa niwil irwisɛ. Ne ɛ ji kyii ninyi ifaa yɛnaa nggyɛ wo nɛ ɛ yɔngɔ, “Kyii ɛn ɛbhɛ tɔng ɛn ɛYohana yegha nikɔn na ne ɛ kɛ yaang ɛn no, gbik nɛ ninaa ne ɛ kɛ phok ɛn no. Niwil la kɛ yaa wɛɛ, nigyamil la yaa hyel tsik. Nikparong nga kɛ tes niken, nirwan na kɛ yaa tenes ivol, ikpom ba ta semese. Kɛ ne ta tɔng nihala ninyi na iBol iYɛnɛng ngge.