Popular Bible Verses from ɛLuka 6

Share

Nang ɛn, yaa ne ma nang nyini ɛgyuuru hyɔrɔ, i yɛk ngɛ jujuu, i sit nyini ɛbyin nɛ ne ɛtura. Ɛgyuuru gha ne ɛ kɛ ɛn nang nɛ, ɛbhɛ ne yaa ne ma nang nyini nɛ.”

ɛNyi ɛyɛnɛng nga mɔn nikɔn niyɛnɛng lenɛ ne yɛnɛng ngge ne iphɛ ku so ndɔ ne irway ɛbhɛ. ɛBebhe ɛnyi gha ne ma mɔn nikɔn nibebhe lenɛ ne ibebhe de ne iphɛ ku so ndɔ irway ɛbhɛ. ɛNu gha bhɛ bol nikɔn na nɛ nibhɛ so ndɔ ne irway ɛnyi ba.

Yang sim ɛn ninaa ne iphup mon na, te ɛ mɔn nibhɛ nikɔn niyɛnɛng. Kɔp ɛn nibhɛ ɛkɔn na, sɔng ne ɛ tas ɛn wu sɛ bhɛ kyii nyini nɛ nang. Sɛ ne bhɛ mɔn nyini iyɛnɛng gbom, ɛ ta te nyini ninɔn ɛTaanggbey ne ɛ so daa Nyu ne irywa na nɛ ne itin nɛ, daa ɛli ne ɛTaanggbey ya tɔɔsel ninaa ne bɛɛs nikɔn na nɛ nibebhe na iyɛnɛng ɛbhɛ de gbik.

Te ɛn nyini ninaa ne san iyɔm, ɛli ne ɛKyɛɛ mon na soye ɛhaa ne san iyɔm ma.”

“Sɔng ɛ hyɛ ɛn nigwaa mon na ɛshara gha nang, sɔng yaa ne ma hyɛ nyini nɛ nang. Sɔng ɛ hyɛ ɛn nigwaa mon na ɛshara nang, sɔng yaa ne ma hyɛ nyini nɛ nang. Han ɛn nigwaa mon na nɛ, sɛ ne ma han nyini nɛ.

“Nzi ne bok nyini, nyinɛn ne ɛ tenes ɛn mɛɛn no: Sim ɛn ninaa ne iphup mon na, te ɛ mɔn ɛn ninaa nɛ nibhɛ mbaray nyini wo ɛkɔn ɛyɛnɛng. Sit ɛn ninaa nɛ nibhɛ i naas nyini ɛnu ɛbebhe gha ne ɛwɛng, te ne ˆɛ roo ɛn ɛTaanggbey ye daa ne ito ninaa nɛ nibhɛ baasek nyini nggbang ngga.

Mɔn ɛn ninyi na ɛkɔn na ne ɛ sim ɛn te sɛ mɔn nyini nɛ wo.

Wu ɛnyi gha kɛ baal lɛ nggbaam, hyere ɛbhɛ ijwɛng dɔng. Wu ɛnyi gha kɛ ne phɔt ɛgbaang ɛtura mo, hante ɛbhɛ ne ɛshɛɛrɛng ngɛ dɔng. Gbik ɛnyi gha ne ɛ kɛ roo yɛ ɛkɔn, nang ɛbhɛ. Wu ɛnyi kɛ ne phɔt ɛkɔn mo, sɔng ɛ yaak ɛbhɛ te ɛ kyii nang nge nang.

Sɔng ɛhon ɛyɛnɛng nga i yɛk ikpam ivebhe nang. Sɔng ɛhon ɛbebhe gha ne ma ta yɛk ikpam iywɛnɛng nang.

I seng ɛhon na ne ikpam ɛbhɛ. Sɔng i sɛ ikpam ɛpharang ngga ɛhon ne itɔrɔp nang. Sɔng i ne sɛ ikpam ɛnap ba ɛjejen nang.