Popular Bible Verses from EVASELIO A SOANE 13

Share

E au foaki atu kia koutou he fekau foou: Kotou feofaaki ia koutou; o hage ko au, nee au ofa ia koutou, ko koutou anai, koutou feofaaki ia koutou. I te mea aia e iloi anai e te tagata fuli, ko koutou ko aku tisipulo, mo kapau e koutou mau te feofaaki ia koutou.

Kapau leva nee au fufulu okotou vae, e au ko te Aliki mo te Pule, pea e tonu foki ke kotou fefufuluaki okotou vae; koteuhi kua au tuku atu kia koutou he faifaitakiaga, o tupu ke kotou fai o hage ko taku fai kia koutou.

Nee tali leva e Sesu kia ia: Ko te mea ae e au fai, e mole ke mahino ki ai i te temi nei, kae e ke mahino anai ki ai ki amuli.

E mooni, e mooni, e au ui atu, e mole lahi age te kaugana i tona aliki, pea e mole lahi age te faifekau i ae nee ina fekaui ia ia.

Kapau e kotou iloi te u mea aena, e kotou manuia, kehe pe ke kotou fai natou.

nee tuu ake leva ia mai te laupapa, pea nee ina hui ona kofu, pea nee ina too he kie holoholo o hulu aki ia. Pea nee ina liligi leva he vai ki he pesini, pea nee ina kamata leva te fufulu o te u vae o te kau tisipulo, pea mo holoholoi aki te kie holoholo ae nee ina hulu.