Popular Bible Verses from EVASELIO A SOANE 14

Share

E au tuku atu kia koutou te tokalelei, e au foaki atu kia koutou toku tokalelei. E mole au foaki atu ia kia koutou o hage ko tona foaki e te malamanei. Aua naa hoha okotou loto pe kotou mataku.

Nee ui age leva e Sesu kia ia: Ko au ko te ala, mo te mooni, pea mo te mauli. E mole he tahi e hau ki te Tamai kae ia au pe.

Aua naa hoha okotou loto. Kotou tui ki te Atua, pea kotou tui kia au.

Kae ko te Palakeleto*, te Laumalie Maonioni, ae e fekaui mai anai e taku Tamai i toku huafa, e ina ako atu anai kia koutou te u mea fuli, pea e ina fakamanatu atu anai kia koutou te u mea fuli nee au fakaha atu kia koutou.

Ko ae e ina mau aku fekau pea e ina taupau natou, ko ia aena e ofa ia au. Ko ae e ofa ia au, e ofa anai taku Tamai ia ia, pea e au ofa anai ia ia, pea e au fakaha age anai ia au kia ia.

Pea ko au, e au kole anai ki te Tamai, pea e ina foaki atu anai kia koutou he tahi Palakeleto*, o tupu ke nofo ia mo koutou o heegata, te Laumalie o te mooni, ae e mole feala ke talitali e te malamanei, koteuhi e mole sio ia kia ia pea e mole ina iloi ia ia; kae ko koutou, e kotou iloi ia ia, koteuhi e nofo ia mo koutou, pea e nofo anai ia ia koutou.

pea ko te u mea fuli ae e kotou kole anai i toku huafa, e au fai anai natou, o uhi ke fakakololiai te Tamai i te Alo. Kapau e kotou kole he mea i toku huafa, e au fai anai ia.

Kapau e kotou ofa ia au, kotou fai aku fekau.

E lahi te u nofoaga i te fale o taku Tamai. Kana nee mole feia, nee au fakaha atu ia kia koutou. E au alu o teuteui mai he nofoaga kia koutou.

Pea, ka e au alu anai, pea ke au teuteui anai he nofoaga kia koutou, e au toe hau anai, pea e au too anai koutou mo au, o uhi ko te kogamea e au nofo ai e kotou nofo ai anai.

Nee ui age leva e Tomasi kia ia: Aliki, e mole matou iloi pe e ke alu ki fea; pe e feafeai anai ke matou iloi tona ala?