Popular Bible Verses from Mateo 5

Share

ti e leaise tutu se malama ke fakapulou ki se fa kisi, kae e teki a ia ki aluga o le tekiaga malama, ti e fakamalamai loa e ia latou fuli ala e nonofo i le loto fale. Ke mu lokoutou malama i mua o tagata, o tupu ke lotou tio ki akoutou gaoi malilie, ti ke lotou fakakololia ki lokoutou Tamana leia e nofo i le atu lagi.

Ko le malama koutou o le malama nei. Ko se kolo leia e tuu i aluga o se mauga e leaise feala ke munia

Manuia latou ala e loto mea, talie e lotou tio loa ki le Atua !

Manuia latou ala e fia kai mo fia inu ki le faitotonu, talie e lotou makokona loa !

Kae ko au, e kau pati atu kia koutou : Kotou alofa ki okoutou fili, kotou tapuaki kia latou ala e tutuku ia koutou, kotou fai le nea leia e malie kia latou ala e vesia mai kia koutou, ti kotou ulufaki latou ala e fai nea veli mai kia koutou ti mo fakaveliveli mai kia koutou

Manuia latou ala e mativa i le loto, talie e fakalogo kia latou le Puleaga o le atu lagi.

Manuia latou ala e ave ia le tokamalie, talie e fakaigoa loa latou ko vosa o le Atua !

Manuia latou ala e loto mamae, talie e fakapelepelei loa latou !

Manuia latou ala e fakavelivelii o tupu ko le faitotonu, talie e fakalogo loa kia latou le Puleaga o le atu lagi !

Manuia latou ala e manavaalofa, talie e lotou maua loa le manavaalofa !

Manuia loa koutou, mo ka pativelii loa koutou, mo ka fakavelivelii loa koutou pe lau loa kia koutou a veli kesekese, o tupu ko au. Kotou fimalie ti kotou fiafia lasi, talie e lasi loa lokoutou fakapale i le atu lagi ; talie na fenaaki foki le fakavelivelii o le kau polofeta ala na muamua atu ia koutou.

Manuia latou ala e agamalu, talie e lotou maua loa le kele !

Ko le patai koutou o le kele. Kae kapau e puli le konakona o le patai, e fakakonakona loa a ia ki lea ? E aoga fai a ia ke ti ki fafo ti ke takatakafi e tagata.

Koia ke kotou malie tukupau, ofaipe lokoutou Tamana i Selo leia e malie tukupau.

Ko lakoutou io ke io, ti ko lakoutou leai ke leai ; ko le nea leia e fakalasi ia a ia e au mei le pule veli.

Kua kotou iloa na fakasa : Mata ki le mata, nifo ki le nifo. Kae ko au, e kau pati atu kia koutou ke aua na kotou fakatutuu ki le tagata agaveli. Kapau e paai a koe e se tasi i lou kalaafau atamai, tuku ake kiate ia mo leia ake kalaafau.

Kapau e fakatupu siga kiate koe lou fa mata atamai, kapei a ia o ti mamao meiate koe ; talie e malie ake kiate koe ke mate se koga e tasi i ou koga tino, kae ke aua na ti lou tino katoa ki le afi. Ti kapau e fakatupu siga kiate koe lou lima atamai, tuuti a ia o ti mamao meiate koe ; talie e malie ake kiate koe ke mate sou koga tino e tasi i ou koga tino fuli, kae ke aua na ti lou tino katoa ki le afi.