Popular Bible Verses from Mateo 6

Share

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Aua na kotou tuania loa le apogipogi, talie e tokaga le apogipogi kiate ia totonu. Ki aso taki tasi e feauga lona mamae.

Koia e kau pati atu kia koutou : Aua na kotou tuania ki lokoutou mauli ki le nea leia e kotou kai loa, pe ki lokoutou tino ki le nea leia e kotou lava loa. Pe leaise mauiga ake le mauli i le nea kai, pe leaise mauiga ake le tino i le nea lava ?

Kae ka ke faikole, ulu ki lou kogafale, tapono lou matapa, ti ke faikole ki lou Tamana leia e nofo i ai i le ganea fakapulipuli ; ti ko lou Tamana, leia e tio i le ganea fakapulipuli, e toe liufaki ia atu loa a ia kiate koe.

Koia e tonu ai ke kotou faikole feneeki : Lomatou Tamana leia e nofo i le atu lagi ! Ke tapusa lou suafa ; ke aumai lou pule ; ke fai lou finegalo i le kele ofaipe i Selo.

Soli mai kia matou i le aso nei le pane o aso taki tasi

fakamolemole mai ki amatou agasala, ofaipe lamatou fakamolemole foki kia latou ala e agasala mai kia matou

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Kapau e kotou fakamolemole ki tagata alatou agasala, e toe fakamolemole loa e lokoutou Tamana i Selo kia koutou foki

Kotou tio ki manu lele o le lagi : E leaise lotou to magiti pe lotou utu, ti e leaise lotou tanaki fua se nea i ni fale tanaki magiti ; kae e fagai latou e lokoutou Tamana i Selo. Pe leaise kotou mauiga lasi ake ia latou ?

Aua na kotou tanaki ni koloa i le kele leinei, talie ko le ganea lena e maumau ai le ugogo mo le kelemea, ti ko le ganea foki lena e puui ai ti mo kaia ai le tagata kaia ; kae ke kotou tanaki ni koloa i Selo, talie ko le ganea lena e leaise maumau ai le ugogo mo le kelemea, ti e leaise puui ai mo kaia ai le tagata kaia. Talie ko le ganea leia e tuku ai lou koloa, e tuku ai foki lou loto.

E leaise mafai e se tasi ke tausi ki ni pule e toka lua. Talie, pe vesia loa a ia ki le tasi, kae e alofa loa a ia ki le tasi ; pe pipiki loa a ia ki le tasi, kae tiaki loa e ia le tasi. E leaise mafai ke kotou tausi ki le Atua mo Mamone.

Kapau kua teuteui fenaaki e le Atua le mutie o le vao, leia e mauli i le aso nei, kae e tiaki loa apogipogi ki le afi, pe leaise lasi ake le fia fakalava loa e ia koutou, kakai tui gaegae ?

Kae ka ke soli ia se nea alofa, ke aua na iloa e lou lima sema le nea leia e fai e lou lima atamai, o tupu ke fai fakafufu lou nea alofa ; ti e toe liufaki atu loa a ia kiate koe e lou Tamana leia e tio i le ganea fakapulipuli.

Kotou tokaga ki le fai o lokoutou agatonu, ke aua na kotou fai a ia i mua o tagata, o tupu ke tioi koutou : talie kapau ko ia, ti e leaise kotou maua loa se fakapale i tafa o lokoutou Tamana leia e nofo i le lagi.

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale. Kae kapau e ke sesunio, fakamanogi lou ulu ti fufulu ou mata, ke aua na sa ki tagata e ke sesunio, kae ke sa ki lou Tamana leia e nofo i lena i le ganea fakapulipuli ; ti ko lou Tamana, leia e tio i le ganea fakapulipuli, e liufaki ia atu loa a ia kiate koe.