Popular Bible Verses from Senesi 27

Share

Ke tuku e le Atua kiate koe le sasau o le lagi, Mo le gako o le kele, Mo le fulumeto, ti mo le vino o lasi ai ! Ke fakalogo ni kakai kiate koe, Ti ke punou ni puleaga i ou mua ! Ke ke pule ki ou fetaina, Ti ke punou a vosa o lou tinana i ou mua ! Ke malaia leia e tutuku ia a koe, Ti ke tapuakina leia e tapuaki loa kiate koe.

Na pati loa Esau : E tonu ai lona igoa leia ko Sakopo, talie ko le tua lua leinei o lana fakalaka iate au. Na uluaki too mua e ia loku tuulaga o le vosa uluaki, ti ko leinei i le aso nei kua toe too e ia loku tapuaki. Ti na toe pati loa a ia : Pe leaise ke nofo mo se tasi ake tapuaki kiate au ?

Na tali loa lona tamana ko Isaake kiate ia : Ko leinei ! E sala loa lou nofoaga i le gako o le kele Mo le sasau o le lagi, i aluga. E ke mauli loa ki lau seleta, Ti e ke fakasausau loa ki lou taina. Kae i se aso e ke lauatea loa meiate ia, Ti e ke fatii loa le laakau o le popula leia e teki loa e ia ki lou ua, Ti e ke tiaki loa a ia ki mamao.

Na pati loa Esau ki lona tamana : Pe ko le tapuaki fua lena e tasi e ke maua, ei loku tamana ? Tapuaki mai foki kiate au, ei loku tamana ! Ti na tagi loa Esau o leo lasi.