Popular Bible Verses from Senesi 28

Share

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Na ala ake loa Sakopo i lana moe, o pati : E nofo maoki le Eteleno i le ganea leinei, kae e leaise kau iloa a ia.

Ti na fai loa e Sakopo lana fakapapau, o pati : Kapau e nofo le Atua mo au, o taupau au i le fanoga leia e kau fai, kapau e tuku mai e ia kiate au se pane ke kau kai mo ni teu ke kau lava, ti kapau e kau toe liliu i le tokamalie ki le fale o loku tamana, ti e liliu loa le Eteleno ko loku Atua. Ko le fatu leinei kua kau fakatuu ti kua kau fakatapui, e liliu loa ko le fale o le Atua ; ti e kau soli loa kiate ia le vaega kau agafulu o nea fuli ala e soli mai loa e ia kiate au.

E tatau loa lou sakoga mo le efu o le kele ; e ke mafolafola loa ki le potu uesite mo le potu esite, ki le potu noleto mo le potu saute ; ti e tapuakina loa a famili fuli o le malama nei iate koe mo lou sakoga.

Ti na tuku loa e ia ki le ganea lena le igoa ko Petele ; kae na igoa le kolo i mua ko Lusi.