Popular Bible Verses from Mak 10

Share

Medame Sonla Ra bɔbɔ, meamba kɛ bɛzonle me; membale kɛ mebazonle na meava me ngoane meado aze meakpɔne menli dɔɔnwo.”

Gyisɛse nleanle bɛ koonwu na ɔzele bɛ kɛ, “Mɔɔ yɛ se bo sonla nwo zo la ɛnyɛ se ɛmmaa Nyamenle, ɔluakɛ Nyamenle kola yɛ debie biala.”

Gyisɛse zele ye kɛ, “Kɔ, wɔ diedi ɛyɛ wɔ ayile.” Na ɛkɛ ne ala ɔnwunle debie na ɔdoale Gyisɛse.

Zɔhane ati mɔɔ Nyamenle ɛha ɛbɔ nu la, awie biala mmakpakye nu.”

Gyisɛse nleanle ye koonwu, ɔhulole ye na ɔzele ye kɛ, “Yeha wɔ debie ko. Kɔ na kɔdɔne ninyɛne mɔɔ ɛlɛ la amuala, na kyɛ ezukoa ne maa ehyianvolɛma na ɛkɛnyia anwonyia wɔ anwuma, na akee bɛla badoa me bo zo.”

Gyisɛse bizale ye kɛ, “Duzu a ɛkulo kɛ meyɛ memaa wɔ a?” Nrenya ne buale kɛ, “Kilehilevolɛ, mekulo kɛ menwu debie bieko.”

Ɛhye ɛnle zɔhane wɔ bɛ nu. Saa bɛ nuhua bie kpondɛ kɛ ɔyɛ kpole wɔ bɛ avinli a, ɔyɛ bɛ muala bɛ sonvolɛ

Bɛhakye ɛhye! Awie biala mɔɔ anyɛ ɔ nwo kɛ kakula, anlie Nyamenle Belemgbunlililɛ ne ando nu la ɛnrɛnwu Nyamenle Belemgbunlililɛ ne.”

Bɛdabɛ dɔɔnwo ne ala mɔɔ ɛnɛ lumua la bali amozi, na amozi amra alumua.”

Na aloa kabɔ ɔ bo la, Nyamenle Edwɛkɛ ne se, ‘Nyamenle bɔle bɛ nrenya nee raalɛ. Ɛhye ati nrenya ne bade ɔ nwo avi ɔ ze nee ɔ nli bɛ nwo na ɔ nee ɔ ye ahɔdɛnla, na bɛ mu nwiɔ bɛayɛ nwonane ko.’ Yemɔti ɛnee bɛnle nwiɔ bieko na bɛle nwonane ko.