Popular Bible Verses from Mak 9

Share

Gyisɛse zele ye kɛ, “Saa ɛkola a? Sonla mɔɔ lɛ diedi la kola yɛ debie biala.”

Na ndɛndɛ ne ala kakula ne ɔ ze hanle kɛ, “Melɛ diedi, na ɔle ekyi. Boa me maa me diedi ɛnyi.”

Gyisɛse hɔle sua nu la ye ɛdoavolɛma ne bizale ye kɛ, “Duzu ati a yɛangola sunsum ɛtane ne tu ɛ?” Ɔbuale bɛ kɛ, “Debie biala ɛngola sunsum ɛtane ɛhye tu, kyesɛ nzɛlɛlɛ ala.”

“Ngyenle le kpalɛ; na saa ɔta a, kɛ ɛkɛzi ɛkɛyɛ na yeayɛ menlemenle bieko ɛ? “Bɛmaa bɛ ɛbɛlabɔlɛ ne ɛyɛ kɛ ngyenle, ɛde bɛ, na bɛ nee menli kɔsɔɔti ɛdɛnla anzonudwolɛ nu.”

“Awie biala mɔɔ ɔlua me ti ɔkɛlie ɛhye mɔ ko la, ɛlie me, na mɔɔ kɛlie me la, ɛtɛdiele me ngome, ɛnee yelie ahenle ne mɔɔ zoanle me la noko.”

Bɛhakye ɛhye! Awie biala mɔɔ ɔluakɛ bɛle Kelaese ne ɛdeɛ la ati ɔkɛmaa bɛ nzule bɛkɛnlo la kɛnyia ahatualɛ wɔ nwolɛ.

“Awie biala mɔɔ kɛgyegye menli mɔɔ bɛ diedi mɔɔ wɔ me nu la le kɛ ngakula ɛhye mɔ anu ko, na ɔkɛmaa ɔkɛminli ye diedi ne la, ɛnee noko ɔle kpalɛ kɛ anrɛɛ bɛdwele ɛdibolɛ ɛnlomboɛ kpalɛ bɛhendanle ɔ kɔme na bɛvuandinle ye bɛdole nyevile nu.

Saa ɛ nye noko a twehwe wɔ ahɔ ɛtane nu a, tu ye to! Ɔle kpalɛ kɛ ɛ nye ko na ɛkɛnyia Nyamenle belemgbunlililɛ ne tɛla kɛ ɛ nye nwiɔ na bɛkɛvuandi wɔ bɛkɛdo senle ne mɔɔ ɛnnu ɛlɛ la anu a.