Popular Bible Verses from KA BUKE MUA A MOSE, I KAPA ʻIA KINOHI 25

Share

ʻĪ maila ʻo Iēhova iā ia, “ʻElua nō lāhui kanaka i loko o kou ʻōpū; ʻElua hoʻi poʻe kānaka e puka mai ana no loko mai o kou ʻōpū, A e ʻoi aku ka ikaika o kekahi poʻe i ko kekahi poʻe; A e hoʻokauā aku ka hānau mua i ka hānau hope.”

ʻĪ maila ʻo ʻEsau iā Iakoba, “Ke noi aku nei au iā ʻoe, e hō mai naʻu e ʻai ia mea ʻulaʻula; no ka mea, ua nāwaliwali au,” no laila, ua kapa ʻia kona inoa ʻo ʻEdoma.

Nonoi akula ʻo ʻIsaʻaka iā Iēhova no kāna wahine; no ka mea, ua pā ʻo ia; a hoʻolohe maila ke Akua iā ia, a hāpai aʻela kāna wahine ʻo Rebeka.

ʻĪ ihola ʻo ʻEsau, “Eia wau, ua kokoke e make, a he aha auaneʻi koʻu pōmaikaʻi i kēia pono o ka hānau mua?” ʻĪ akula ʻo Iakoba, “E hoʻohiki ʻoe naʻu kēia lā,” a hoʻohiki akula ia nāna; a kūʻai lilo maila ia i kāna pono o ka hānau mua, na Iakoba.

Ma hope iho, puka maila kona kaikaina, a paʻa akula kona lima i ke kuʻekuʻe wāwae o ʻEsau; a kapa ʻia kona inoa, ʻo Iakoba. He kanaono nā makahiki o ʻIsaʻaka i ko Rebeka manawa i hānau ai lāua.

Aloha akula ʻo ʻIsaʻaka iā ʻEsau; no ka mea, ʻai ihola ia i ka ʻiʻo o nā mea hihiu; a ʻo Rebeka kai aloha iā Iakoba.