Popular Bible Verses from KA BUKE MUA A MOSE, I KAPA ʻIA KINOHI 24

Share

ʻĪ akula ia, “E Iēhova ke Akua o kuʻu haku o ʻAberahama, ke pule aku nei au iā ʻoe, e hoʻopōmaikaʻi mai ʻoe iaʻu i kēia lā, a e lokomaikaʻi mai ʻoe i kuʻu haku iā ʻAberahama.

“E ʻae mai ʻoe, ʻo ke kaikamahine aʻu e ʻōlelo aku ai, ‘Ke noi aku nei au iā ʻoe, e kuʻu iho ʻoe i kou bākeke, i inu ai au,’ a e ʻī mai ʻo ia, ‘E inu ʻoe, a e hoʻohāinu hoʻi au i nā kāmelo,’ ʻo ia nō ka mea āu i koho ai na kāu kauā na ʻIsaʻaka; i laila au e ʻike ai i kou lokomaikaʻi ʻana mai i kuʻu haku.”

Alakaʻi akula ʻo ʻIsaʻaka iā ia ma loko o ka halelewa o kona makuahine ʻo Sara; lawe akula ʻo ia iā Rebeka, a lilo ihola ia i wahine nāna, a aloha aʻela ʻo ia iā ia. A ua hōʻoluʻolu ʻia ʻo ʻIsaʻaka no kona makuahine.

Hoʻomaikaʻi akula lāua iā Rebeka, ʻī akula, “ʻO ʻoe nō ko māua kaikuahine, E lilo ʻoe i makuahine o nā tausani miliona; E lilo hoʻi no kāu poʻe mamo, Ka puka pā o ka poʻe inaina aku iā lākou.”

a naʻu nō e hāʻawi aku iā ʻoe e hoʻohiki ma o Iēhova lā, ma ke Akua o ka lani, a ke Akua o ka honua; i lawe ʻole ai ʻoe i wahine na kaʻu keiki na ʻIsaʻaka, no nā kaikamāhine a ko Kanaʻana ka poʻe aʻu e noho nei i waena; akā, e hele aku ʻoe i koʻu ʻāina, a i koʻu poʻe hoahānau, a e lawe mai i wahine na kaʻu keiki na ʻIsaʻaka.”