Popular Bible Verses from Luka 13

Share

Igaganijagi na nguzu kwingila mu mita mpine; iki namuwila giki, Banhu bingi balakoba kwingila, aliyo bataladula.

Na lolaga, walali ho nkima ali na moyo gwa bugokolo miaka ikumi na inane, agunghumile, atudula kugololoka gete. Aho Yesu umona, ungʼwitana, ungʼwila giki, Mayu bebe, watungulagwa bugokolo wako.

Untuulila ho makono, haho na haho ugololoka na unkuja Mulungu.

Na lolaga, bali ho ba kunuma balabiza ba kwandia, hangi bali ho ba kwandia balabiza ba kunuma.

Kufuma aho namugi alamala kubuka, na kulugala luwigi, na bingʼwe ngʼwandia kwimila hanze na kukomagula ku luwigi, ngʼuhaya giki, Seba, Seba, twigulilage; nanghwe ushosha, umuwila giki, Natamumanile uko ngʼwafuma

Namuwila, Iti giko yaya; aliyo ulu mutoya, bingʼwe bose mulayagala giko.

Nanghwe alahaya giki, Namuwila giki, Natamumanile uko ngʼwafuma; ingagi hali Nene, bingʼwe bose biiti ba buti butungilija.

Huna uhaya giki, Butemi wa Mulungu wikolile na ki? hangi nawikolanije na ki? Wikolile na kabeke ka karadali, ako munhu ukasola, ukaponya mu ngunda gwakwe, nako kuzwa, kubiza nti ntale, na noni ja hape jubyulala mu matambi gago.