Popular Bible Verses from Luka 12

Share

Kulwa iyo ningʼwe bizagi mumalilile; iki ngʼwikanza ilo mutiganikilaga Ngʼwana wa munhu aliza.

Aliyo hambuhambu kobagi butemi wa Mulungu, na ishi shose mulongegejiwa.

Nanghwe ubawila giki, Ilanghanagi, ngʼwilinde ku kwikumva; iki bupanga wa munhu buti mo mu wingi wa shikolo isho ali nasho.

Iki busabi wingʼwe uko buli, ngholo yingʼwe nayo ikubiza ho.

Nani mu bingʼwe mu kwikoyela wadula kongeja nkono gumo ku bulihu wakwe?

Ubawila bahemba bakwe giki, Kulwa nguno iyi, namuwila giki, Mutizikoyela bupanga wingʼwe giki, Mukulya ki; nulu mibili yingʼwe giki, Mukuzwala ki.

Aliyo nulu nzwili ja mitwe yingʼwe najo jibalilwe jose. Kulwa iyo, mutizogoha: bingʼwe mujikilile no nzwi ningi?

Mutizogoha, bingʼwe idale ido, iki Singʼwe wayega kungʼwinha bingʼwe butemi.

Iganikagi ku makungulu giki, gatabibaga mbiyu, nulu gatagesaga, nago gati na ifuma nulu ibikilo, na Mulungu ugalisha. Na bingʼwe mujikilile noni himba nghangala jinga?

Na bingʼwe mutizukoba icho mukulya nulu icho mukungʼwa, nulu mutizubuchabuchiwa.

Aliyo ulu Mulungu ugazwalicha giko maswa ga kwitogolo agali ho lelo, na ntondo guponyiwa mu liko, angu, atungʼwitila kutinda no, bingʼwe ba kuzunya kudo?

Iki guti ho mhayo ugukundikigije, ugutalakundulwa, nulu uyo gubisile ugutalamanika.