Popular Bible Verses from Yohana 5

Share

Nghana, nghana, namuwila giki, Uyo wagwigwa mhayo gwane, na unzunya Uyo waanituma, ali na bupanga butushila, nulu atalingila mu kulekanyiwa nsango, aliyo wabitaga kwinga mu kucha kushika mu bupanga.

Aho Yesu wali umona ngʼwenuyo alalile, hangi umana giki, wabile giko miaka mingi, ungʼwila giki, Utogilwe kubiza mpanga?

Mukakobaga mu Shandikwa, iki mukiganikaga giki, muli na bupanga butushila musho, na shenisho i shene shunikanila Nene; Nulu mutatogilwe kwiza kuli Nene, mubize na bupanga.

Yesu ungʼwila giki, Bukaga bubuchage bulili wako, ushiminze. Haho na haho munhu ngʼwenuyo ubiza mpanga, ububucha bulili wakwe, ushiminza; aliyo lushiku lwenulo lwali luli Sabato.

Huna lulu Yesu ushosha ubawila giki, Nghana, nghana, namuwila giki, Ngʼwana wiyene atudula kwita mhayo, ulu iti iyo alimona Ise akwitaga; iki iyo yose akitaga Wei, yeniyo nu Ngʼwana nanghwe akwitaga chene.