Popular Bible Verses from Yohana 6

Share

Yesu ubawila giki, Nene ndi ngati gwa bupanga: uyo wiza kuli Nene atalatuba na hado, nanghwe uwanizunya atalakolwa nota hangi nulu na hado.

Moyo u gwene gukwinhaga bupanga; mili gutitundujaga na hado: mihayo iyo nalumuwilaga ili moyo, hangi ili bupanga.

Mutashitilage milimo shiliwa i sha kushila ho, aliyo mushitilage milimo shiliwa isho shikushingaga ho kushisha ku bupanga butushila, isho Ngʼwana wa munhu akungʼwinha bingʼwe; iki Siswe, Ngʼwene Mulungu, waantuulila Ngʼwenuyo lumengho.

Iki iyo atogilwe Uyo waanituma yene giki, uyo ose unola Ngʼwana na unzunya, abize na bupanga butushila: na Nene nalanjucha ku lushiku lwa ku bukalikijo.

Yesu ushosha ubawila giki, Gwenuyu gwene nimo gwa Mulungu, munzunye Uyo waatungʼwa nanghwe.

Uyo ose Baba waninha aliza kuli Nene; nanghwe uyo wiza kuli Nene, natalamponya hanze na hado.

Simoni Petro unshokeja giki, Seba, tuje kuli nani lulu? Bebe uli nayo mihayo ya bupanga butushila.

Nene ndi ngati mpanga uyo gwika kufuma ngʼwigulu; uyo ose ulu ulya ku ngati gwenuyu, alikala mpanga welelo na welelo; na ngati uyo nakugwinha ko gwene mili gwane, uyo nakugwinha ko kulwa nguno ya bupanga wa ba mu si.

Ati ho munhu wadula kwiza kuli Nene, ulu Baba uwaanituma atunduta; na Nene nalanjucha ku lushiku lwa bukalikijo.

Iki ngati gwa Mulungu guli uyo gwika kufuma ngʼwigulu, hangi gukwinhaga ba mu si bupanga.

Nene ndi ngati gwa bupanga.

Yesu wanukula migati, aho wamala kulumba, ubagabulila bahemba, na bahemba ku abo bigashije; na tudilo nato chene, gitumo bali batogilwe. Aho biguta, ubawila bahemba bakwe giki, Bilingagi masajiwa agasaga ho, kitizujimila kinhu.

Aho bumala kubuga katanalo ka stadio makumi abili na itano, hamo makumi adatu, bumona Yesu akushiminzaga ha nyanza, wegela ku lyato; nabo bogoha. Nanghwe ubawila giki, Ndi Nene, mutogohage.