Popular Bible Verses from Yohana 4

Share

Mulungu Ngʼwene Moyo; nabo abakunamyaga shibigelile kulamya mu moyo na mu nghana.

Aliyo ikanza likwizaga, hangi haha yeniyi lili ho, aho a balamya ba nghana bakubyunamya Baba mu moyo na mu nghana; iki Baba akakobaga hanhu abali giko kubiza balamya bakwe.

Aliyo uyo ose ungʼwa minzi ayo nakungʼwinha Nene, atalakolwa nota hangi welelo bose; aliyo minzi ayo nakungʼwinha, gakubiza muli wei luzwilo lwa minzi lukuzwila kushika ku bupanga butushila.

Yesu ushosha ungʼwila giki, Ninga ulu ni walumanile cha kwinha cha Mulungu, na Uyo alikuwila giki, Ninhage cha kungʼwa, bebe ni wanomba, nanghwe ni wakwinha minzi mapanga.

Yesu ubawila giki, Shiliwa shane shene giki, kwita iyo atogilwe Uyo waanituma, na kushikilija nimo gwakwe.

Nkima ungʼwila giki, Seba, uti nacho cha kudahila, na lwinzi lwenulu luli lushimu no; wagafunije hali lulu minzi genaya a mapanga?

Nkima ungʼwila giki, Namanile giki, Masiya aliza (Uyo akitanagwa Kristo); Ngʼwenuyo aho aliza alatuwila yose. Yesu ungʼwila giki, Nene Uyo nalilungalunga na bebe, huna Nene ndi Ngʼwene.

Nzugwi, munole munhu Uyo waniwilaga iyo nakitaga yose: angu, Ngʼwenuyu akukija kubiza Kristo?