Popular Bible Verses from Luka 9

Share

So pɛni, lo pa hɛ̃ azi zu ya: “Se zo aye ya, ni ga e na ni, e ɔ ndoni kɔi ko, ale lo zia dangɔ bɛ lo na tɛrɛ lo nvɛni, ale lo yɔ nga krusi tɛ lo lá kwɛ kwɛ, so fangɔ ya, ni ye hũngɔ pɛnɔ, wadila lo ga, ko mbi na lo e ɔ ndoni kɔi.

Ta sanga ma, zo ko la aye batangɔ du tɛ lo ko, tɔrɔ tɛrɛ lo na kpingɔ. Wa zo ko la ndoka tɛrɛ lo na lo tɛ mbi ko, tɔrɔ tɛrɛ lo na songɔ.

Yezo apa hɛ̃ lo ya: “Zo ko ato nda lingɔ kwa, ko lo dɔ lingɔ kwa ni lo zia ko, ta lo lengbi ti dungɔ wa kwa ti Kɔdɔrɔ Gbia tɛ Nzapa ma.”

Se zo alua aye ti tise zu, wa se lo yu lege tɛ Nzapa, bere tɔrɔ tɛrɛ lo akpi ko, aye ni ko zu ati gɛgɛrɛ.

Se kamɛnɛ agbɔ̃ zo na lo tɛ mbi Nyi Zo, nga na lo ti tɛnɛ tɛ mbi ko, kamɛnɛ agbɔ̃ nga gbanda mbi na lo tɛ zo ni ko, na ngoi mɛ gbanda mbi ga na ya ndima tɛ mbi, na tɛ To mbi nga na tɛ aangelo mɛ santo.

Yezo agbinya hɛ̃ lo ya: “Aganvana na dó tɛ la da, ahũ nga na da tɛ la da. Kanda tɛ mbi Nyi Zo ko, ta mbi na ndo ya, mbi se da, mbi wɔ tɛrɛ mbi ma.”

lo pa hɛ̃ la ya: “Zo ko la ayamba nyingambi olo na lo tɛ mbi ko, afa ya, lo yamba nga mbi nvɛni. Wa zo ko la ayamba mbi ko, afa ya, lo yamba nga wa tongɔ mbi. Ta sanga ma, zo ko yakere buai so popo tɛ ĩ zu ko, zo mɛ aɔ afɔ̃ lo kwɛ zu la.”