Popular Bible Verses from Luka 8

Share

Ale tɛ mɛ asa na nzɔ̃ sese adu nga ma azi mɛ ama tɛnɛ tɛ Nzapa, ko ala bata ni ka ya bɛ la mɛ nzɔ̃ni buai. Ta ala dɔ tɛnɛ tɛ Nzapa azia ma, ala du azi mɛ ndohɛ̃ ale.”

Ale tɛ mɛ asa na popo asã ti kĩ adu nga ma azi mɛ ama tɛnɛ tɛ Nzapa. Ko sɔngɔ bɛ, na luangɔ nwa, nga na dengɔ bɛ ti le sese apia aho tɛnɛ ni. Ta ala hɛ̃ nga nzɔ̃ ale ma.

Azi mɛ ndɛ̃ adu nga ma sese mɛ aalingbi tɛrɛ lo na tɛ́nɛ. Ngoi mɛ ala ma tɛnɛ tɛ Nzapa ko, ala ye lo ni na dengɔ bɛ. Kanda ta tɛnɛ ni ali bɛ la ma. Ala ye lo ni bo ti pɛ ngoi yakere, ko ala dɔ ni azia na ngoi ko la Satana atara na bɛ la.

Yezo apa hɛ̃ ava lo ya: “Ta ĩ ye lo tɛ mbi ma ya nɛ?” Ko mbɛtɔ agbɔ̃ ndo la, ala bema sĩ, ko ala so ndotɛnɛ ka popo tɛ la ya: “Kɔli olo lo na? Abɛ nga yá na ngu, lo ĩ hɛ̃ nyɔ hɛ̃ la ko, ala ma nyɔ lo oo!”

Ambanga azi adu nga ma bɛ lege mɛ ale tɛ asa da. Ngoi mɛ ala ma tɛnɛ tɛ Nzapa ko, Satana aga ahã tɛnɛ ni ka bɛ la azi. Satana ali so, so gbanzingɔ la ya, ta ala ye lo tɛ Nzapa ma, so ala so.

Ye zu ko la Nzapa ahɔndɛ ko, asi gbanda yango. Ye zu ko la na gbɛ mbingo ko, azi ahĩnga gbanda ni, ko asi nga gbanda yango ngbɛ̃.

Zo wali ko ĩ hũ ya, Yezo agbɔ̃ nda ni wɛ ko, lo ga ka gbɛlɛ Yezo, tɛrɛ lo so ndodɔ kpu kpu kpu, lo kuku. Lo kambisa hɛ̃ Yezo na gbɛlɛ azi zu nda mɛ lo bɔrɔ na Yezo, nga na se mɛ tɛrɛ lo aha bo so hiɔ. Yezo apa hɛ̃ wali ko ya: “Nyi mbi, mɔ ye lo tɛ mbi la mɔ so. Wa gwe nzɔ̃ni o.”

Ava lo ai tɛrɛ la ka tɔ̃nda lo, andũ lo. Lo ĩ zingɔ ko, ala pa hɛ̃ lo ya: “Gbia, Gbia, e na kpilingɔ!” Ko Yezo agbo ndo yá, agbo nga ndo kpengba mɔpo, la yá azia yangɔ, mɔpo adɔ alo, la lɛ ngu ade ngĩ.