Popular Bible Verses from Luka 6

Share

Ale ĩ hɛ̃ ye hɛ̃ afɔ̃ ĩ, wadila Nzapa ahɛ̃ nga ye hɛ̃ ĩ, asa aye ma wo ma nvɛni na ya bozo tɛ ĩ, ayingi ni afɔ̃ngbi ka ka ka, asĩ nga soro soro. Ko ye mɛ lo na hɛ̃ngɔ ĩ ko, lo na hangɔ na ye mɛ ndo ĩ ndohɛ̃ afɔ̃ ĩ.”

Nzɔ̃ zo ndoli anzɔ̃ lo, na lo mɛ ya, bɛ lo nzɔ̃ni. Siɔ zo ndoli asiɔ lo, na lo mɛ ya, bɛ lo siɔni. Ta sanga ma, tɛnɛ mɛ asĩ ka ya bɛ zo la nyɔ zo ndotɛnɛ.”

Kanda ale ĩ ndoye awa kɛ̃ngɔ ĩ, ĩ ndoli nzɔ̃ lo tɛrɛ la, ĩ ndozɛ̃ nga la na faranga, wa ta ĩ lɛndɛrɛ ya, ala diri na ni hɛ̃ ĩ ma. Ĩ lua gbanda kota mbana gɛrɛ ĩ, ko ĩ ti nga gbanda aya Nzapa mɛ ka yayu. Ta sanga ma, lo ndoli nzɔ̃ bɛ hɛ̃ azi ko la ta ahĩnga nzɔ̃ lo mɛ andoli tɛrɛ la ma, lo ndoli nga nzɔ̃ bɛ hɛ̃ asiɔ azi.

Ale ĩ ndoma vundu tɛ azi nga ma se tɛ To ĩ Nzapa.”

“Ta ĩ fa ngbanga tɛ afɔ̃ ĩ ma, so Nzapa afa ngbanga tɛ ĩ. Ta ĩ fa ngbanga ĩ bi li afɔ̃ ĩ ma, so Nzapa afa nga ngbanga abi li ĩ. Ale ĩ ka lɛ ĩ ndo asiɔ ye tɛ afɔ̃ ĩ, wadila Nzapa aka nga lɛ lo ndo asiɔ ye tɛ ĩ.

“Kanda mbi pa hɛ̃ ĩ azi mɛ ĩ ndoma mbi ya, ĩ ye awa kɛ̃ngɔ ĩ, í li nzɔ̃ lo tɛrɛ azi ko la bɛ la akɛ̃ ĩ. Ĩ sunu azi ko la ndoye ya, siɔ lo ati na ĩ. Ĩ sambela na lo tɛ azi ko la ndohɛ̃ ĩ pɛnɔ.

Ye mɛ ĩ ndoye ya, azi ndoli tɛrɛ ĩ ko, ĩ li nga bo gi tɛrɛ ye ni ko na tɛrɛ la.

Se zo aba ma mɔ ko, ye mbage ni hɛ̃ lo, lo ba nga. Se zo akpata kota bɔngɔ tɛ mɔ ko, zia lo mu nga ndozu bɔngɔ tɛ mɔ. Zo ko ayɔ ye ti mɔ ko, hɛ̃ ni hɛ̃ lo, ko se zo akpata ye tɛ mɔ na ti mɔ ko, zia ni hɛ̃ lo.

Yezo ato matɔ hɛ̃ la ya: “Ta siɔ le kɛkɛ ndole ka li nzɔ̃ kɛkɛ ma. Ta nzɔ̃ le kɛkɛ ndole nga ka li siɔ kɛkɛ ma.

Andohĩnga kɛkɛ kɔi kɔi na le lo. Ta andokɔ mango ka li nganya ma. Ta andokɔ nga mbunga ka li kɛkɛ borongo ma.