Popular Bible Verses from Luka 5

Share

Lo ĩ kɔ nda tɛnɛ tɛ lo ko, lo pa hɛ̃ Simɔ ya: “Yuru ngɔ ni ka du ngu, ko mɔ na afɔ̃ mɔ ĩ sa gbanda tɛ ĩ.”

Simɔ agbinya hɛ̃ lo ya: “Wa hangɔ lo tɛ Nzapa, e li fɛrɛ kwa na bi ngbĩi, ko ta e gbɔ̃ kpĩ bɛ kɔi ma. Kanda oko mɔ pa ya mbi sa gbanda ko, mbi na sanga ni.” Ala ĩ sa gbanda ko, ala gbɔ̃ kpĩ sĩ nvɛni, ko lɛ gbanda tɛ la ato nda faranga.

Yezo azia ndo la so ndo ko, anɔ ka bɛ ndo so sambelangɔ Nzapa.

Ta mbi ga ge so ilingɔ anzɔ̃ azi ma, kanda mbi ga so ilingɔ awa lingɔ siɔ ye, ya ala gbinya bɛ la.”

Simɔ Petro ĩ hũ so ko, akuku gbɛlɛ Yezo, apa hɛ̃ lo ya: “Gbia, i tɛrɛ mɔ yɔngɔrɔni na mbi, ta sanga ma, mbi wa lingɔ siɔ ye!”

Yezo ĩ ma so ko, agbinya hɛ̃ la ya: “Azi ko la gbe tɛrɛ la nzɔ̃ni ko, ta ala ndodu na gwɛ̃ tɛ mɔnganga ma, kanda bo awa ngã la ndodu na gwɛ̃ tɛ mɔnganga.

Ala ĩ diri na ngɔ tɛ la, ĩ gbɛlɛ li ni ka nyɔ tungu ko, ala dɔ aye zu so ndo ko azia, ala na Yezo aɔ ndoni kɔi.

Yezo ndo ka mbanga kɔdɔrɔ kɔi, ko kɔli kɔi mɛ ndiba amu tɛrɛ lo zu, aga akuku gbɛlɛ lo, atolo lɛ lo tise, adema tɛrɛ lo hɛ̃ Yezo ya: “Wa hangɔ lo tɛ Nzapa, mɔ na nguru ti sarangɔ mbi, wa se bɛ mɔ aye ko, mɔ sara mbi.” Yezo aye ti lo, abɔrɔ tɛrɛ wa ndiba ko, apa hɛ̃ lo ya: “Mbi ye, ndiba tɛ mɔ awe.” Bo na ngoi ni ko, ndiba tɛ kɔli ko awe.

Na ngoi ko ndo ko, pa ili Yezo ndoti ndo bo tingɔ gboo gboo. Azi butu butu abombi ndo tɛrɛ la ya, ani ma tɛnɛ tɛ lo, ko lo sara nga ngã na tɛrɛ ani.