Popular Bible Verses from Luka 4

Share

“Tɔrɔ tɛ Gbia azu ndo mbi, Gbia asara nga mbi akpã ya, mbi pa Nzɔ̃ Pa hɛ̃ awa yɛlɛ. Lo to mbi ya, mbi pa hɛ̃ awa bɔlɔkɔ ya, na zingɔ la ka bɔlɔkɔ. Mbi pa nga hɛ̃ awa ziba ya, ala na hũngɔ ndo. Lo to mbi ya, mbi zi azi mɛ andohɛ̃ la pɛnɔ. Gbia ato mbi ya, mbi pa nga hɛ̃ azi buru mɛ ni na fangɔ hɛ̃ la ya, ni ndoli nzɔ̃ bɛ hɛ̃ la.”

Yezo agbinya hɛ̃ lo ya: “Buku tɛ Nzapa apa nga ya: ‘Ale mɔ vɔrɔ Gbia Nzapa tɛ mɔ, ko bo lo la ale mɔ li kwa hɛ̃ lo.’ ”

Yezo agbinya hɛ̃ lo ya: “Buku tɛ Nzapa apa ya: ‘Ta zo ndodu le lo ngɛ̃ bo na lo ti tɛ ma.’ ”

Yezo ĩ lua nguru tɛ Tɔrɔ Santo sĩ ko, lo lo ka Yurdɛnɛ lo diri, ko Tɔrɔ Santo amu lo, anɔ na lo ka bɛ ndo.

Ko Yezo agbinya hɛ̃ lo ya: “Buku tɛ Nzapa apa nga ya: ‘Ta mɔ tara Gbia Nzapa tɛ mɔ ma.’ ”

Satana ĩ tara bɛ Yezo na se kɔdɛ zu gba ko, azia lo aɔ so kungɔ ngoi mɛ ndɛ̃.

So pɛni Satana amu lo, agwe na lo ka ndozu nvɛni, ko bo na ngoi kɔi ko, lo fa Yezo na akɔdɔrɔ zu mɛ na lɛ sese, lo pa hɛ̃ lo ya: “Mbi na hɛ̃ngɔ mɔ nguru ya, mɔ lɛ gbia na ndo akɔdɔrɔ olo kwɛ zu, ko mbi nga na hɛ̃ngɔ mɔ nwa ti kɔdɔrɔ ni ko zu. Aye ni ko zu tɛ mbi, ko mbi lengbi ti hɛ̃ngɔ ni hɛ̃ zo mɛ bɛ mbi aye lo. Wa se mɔ kuku gbɛlɛ mbi ko, aye ko zu na dungɔ ti mɔ.” Yezo agbinya hɛ̃ lo ya: “Buku tɛ Nzapa apa nga ya: ‘Ale mɔ vɔrɔ Gbia Nzapa tɛ mɔ, ko bo lo la ale mɔ li kwa hɛ̃ lo.’ ”

So pɛni, Satana amu lo, anɔ na lo ka Yeruzalɛmɛ, akpã lo ka bɛ li kota da Nzapa, apa hɛ̃ lo ya: “Se mɔ du Nyi Nzapa ko, zunda ge tise. Ta sanga ma, Buku tɛ Nzapa apa ya: ‘Nzapa ahɛ̃ gbanda nyɔ hɛ̃ aangelo tɛ lo ya, ala bata mɔ.’ Buku ni apa nga ya: ‘Ala lia gbanda mɔ, so mɔ gu gɛrɛ mɔ na tɛ́nɛ, ko mɔ ɔ̃ kã.’ ” Ko Yezo agbinya hɛ̃ lo ya: “Buku tɛ Nzapa apa nga ya: ‘Ta mɔ tara Gbia Nzapa tɛ mɔ ma.’ ”