Popular Bible Verses from Yoanɛ 15

Share

“Mbi nga ma beta kɛkɛ vinɔ, ĩ tɛ ĩ nga ma akati kɛkɛ vinɔ. Zo ko la adu ndoni kɔi na mbi, nga ma se ko mbi ndodu ndoni kɔi na lo ko, lo ti nga ma kati kɛkɛ mɛ ndole nzɛngbɛ nzɛngbɛ. Se ta ĩ du ndoni kɔi na mbi ma ko, ta ĩ lengbi ti lingɔ ye bɛ kɔi ma.

Ale ĩ ndodu ndoni kɔi na mbi, nga ma se ko mbi ndodu ndoni kɔi na ĩ. Se ta kati kɛkɛ adu ka tɛrɛ kɛkɛ ma ko, ta kati kɛkɛ ni alengbi ti lengɔ na kunɛ lo ma. Se mɛ nga se ta ĩ du ndoni kɔi na mbi ma ko, ta ĩ lengbi nga ti lingɔ ye kɔi ma la.

Se ĩ du ndoni kɔi na mbi, ĩ kpa nga tɛnɛ tɛ mbi ka ya bɛ ĩ ko, ĩ hũnda ye mɛ ĩ ye, wa ĩ lua ni.

Ta ĩ ndo la ĩ sara mbi ĩ kpa ma, kanda mbi ndo la mbi sara ĩ mbi kpa. Mbi sara ndo ĩ mbi kpa ya, mbi to ĩ, ĩ li kwa, lɛ kwa ni asi yango, ko angbã nga buai. Se ĩ li nga so, wa ye zu ko la ĩ hũnda na ili mbi ka ti To mbi ko, lo hɛ̃ ĩ.

Yengɔ mɛ aɔ ndo yengɔ zu la, oko zo aye kangɔ tɛrɛ lo so afɔ̃ lo.

Akati vinɔ kɔi kɔi mɛ ta ndole ma ko, lo fara ni, lo sa tise. Lo lɛkɛ akati mɛ ndole, ko lo fara li ni yɛɛ ya ati ale gba.

Ĩ ma ndia mɛ mbi lu hɛ̃ ĩ lo mɛ: ĩ yengbi nga ma se mɛ mbi ye na ĩ.

Se ĩ du nga ma akati kɛkɛ mɛ ale nzɛngbɛ nzɛngbɛ ko, ĩ fa nga ya, ĩ ava mbi, wadila azi ahũ ndima tɛ To mbi.

Yezo apa hɛ̃ ava lo ya: “Mbi nga ma bɛta kɛkɛ vinɔ, To lɔ mbi tɛ lo nga ma wa sɛ̃ngɔ yaka vinɔ.

Se ta zo adu ndoni kɔi na mbi ma ko, lo ti nga ma kati kɛkɛ mɛ afa, abi tise, la aulɛ. So pɛni ko, alɔ ni, asa ya wá, agbi.

“Mbi pa tɛnɛ olo hɛ̃ ĩ ya ĩ ma, wadila ĩ lua nga dengɔ bɛ mɛ mbi na ni, ko dengɔ bɛ ni adu kotani buai.

Se ĩ tɔndɔ andia tɛ mbi, wadila ĩ ngbã na ya yengɔ mɛ mbi ndoye na ĩ, nga ma se mɛ ndo mbi tɔndɔ na andia tɛ To mbi, ko mbi ngbã na ya yengɔ mɛ lo ndoye na mbi.

Ndia mɛ mbi lu hɛ̃ ĩ la, ale ĩ ndoyengbi.”

Se adu ya, ĩ du azi ti lɛ sese ko, ale bɛ la aye ĩ, na lo mɛ ya, ĩ du azi tɛ la. Wa oko mbi hãna ndo ĩ ka popo tɛ azi ti lɛ sese, mbi kpã katɛ ko, ta ĩ ti dɛ azi ti lɛ sese ma. Nda mɛ bɛ azi ti lɛ sese akɛ̃ ĩ la.