Popular Bible Verses from Yoanɛ 14

Share

“Mbi na ziangɔ ĩ, ko mbi na lingɔ ya, bɛ ĩ adu pii. Adu bɛ pii mɛ mbi na ni, la mbi na lingɔ ya, ĩ du nga na ni. Kanda ta azi ti lɛ sese alengbi ti lingɔ ya, ĩ du na bɛ pii, nga ma se mɛ mbi li ya, ĩ du na ni ma. Ta ĩ kpa bɛ ĩ ngbũ ma, ta mbɛtɔ agbɔ̃ nga ĩ ma.

Yezo agbinya hɛ̃ lo ya: “Mbi nga ma lege mɛ agwe ka tɛ To mbi, mbi beta lo tɛ Nzapa, mbi ndohɛ̃ nga beta du. Zo ko la aye singɔ ka tɛ To mbi ko, ale lo ɔ uzu ti ndo mbi.

Yezo apa hɛ̃ ava lo ya: “Ta ĩ kpã bɛ ĩ ngbũ ma, ĩ ye lo tɛ Nzapa, ĩ ye nga lo tɛ mbi.

Wa Tɔrɔ Santo mɛ To mbi na tongɔ lo ya, lò za ĩ na se lɛ mbi ko, lo na hangɔ ĩ na aye kwe zu, ko lo nga na dangɔ bɛ ĩ na atɛnɛ zu mɛ mbi tɛnɛ hɛ̃ ĩ.

“Zo ko la ahĩnga andia tɛ mbi, atɔndɔ nga ni ko, wa yengɔ mbi la. To mbi na yengɔ zo ko la aye mbi, mbi nga na yengɔ zo ni ko, ko mbi na fangɔ tɛrɛ mbi na lo.”

Ko mbi na hũndangɔ To mbi ya, lo to Zo mɛ ndɛ̃ hɛ̃ ĩ, wa Zo ni aza ĩ na se lɛ mbi. Zo ni adu Tɔrɔ Santo mɛ ndopa beta lo tɛ Nzapa, ko lo na dungɔ ndoni kɔi na ĩ ngoi zu. Ta azi ti lɛ sese alengbi ti luangɔ lo ma, na lo mɛ ya, ta ala lengbi ti hũngɔ lo ma, ta ala lengbi nga ti hĩngangɔ lo ma. Kanda ĩ la ĩ hĩnga lo, na lo mɛ ya, lo ndodu ndoni kɔi na ĩ, ko lo na dungɔ ka ya bɛ ĩ.

Wa aye zu ko la ĩ na hũndangɔ na ili mbi ko, mbi na lingɔ ni ya, azi ahũ ndima tɛ To mbi ti ndo mbi Nyi lo. Se ĩ hũnda mbi na ye na ili mbi ko, mbi na lingɔ ni.”

“Se ĩ ye mbi ko, ĩ tɔndɔ nga andia tɛ mbi.

Ka ya da tɛ To mbi ko, ndo da ma wo ma, ko mbi gwe so lɛkɛngɔ ndo hɛ̃ ĩ. Se ta adu biani ma ko, ale ta mbi pa nga hɛ̃ ĩ ma.

Wa ngoi mɛ se mbi gwe, mbi lɛkɛ ndo hɛ̃ ĩ wɛ ko, mbi diri, mbi ga, mbi mu ĩ ya, ĩ du nga ka ndo mɛ mbi na dungɔ da.

La Toma ahũnda lo ya: “Gbia, ta e hĩnga ndo mɛ mɔ na gwengɔ da ma, ko kɔdɛ mɛ e hĩnga lege ni nga sia?”