Popular Bible Verses from Marako 9

Share

Yesu oko dwoko ne be, “Pinyo komio iwaco na be, ka itwero? Jame dedede twerere ne ngat kame tie kede yei.”

Cucuto papa me awobi nono oko kok be, “Ango atie kede yei; Okwe konya ikwany gungcuny tenge ki buta!”

Di do Yesu otieko donyo i yi ot, josiao mege oko penye i mung be, “Pinyo komio wan likame oudo otwero riamo tipo arac nono?” Yesu oko dwoko ne gi be, “Likame tie gi ace kame twero riamo epone me tipo arac no, kwanyo ilega kenekene.”

“Kado ber, do ka tuto odoko bot, kotwero bobo mine edoko kec benyo? “Bedunu bala kado, di itienu kede mulem i diere wu kenu kenu.”

“Ngat kame gamo atin atitidi bala man i nyinga, udo egama, doko ngat kame gama, udo likame egamango, do udo egamo ngat kame oora.”

Ateteni awaco ne wu be, ngat kame mio wu pii me amata pien wun ibedunu jo ka Kirisito, likame ebino kei giamia mere me pwoc kibut Rubanga.

“Ngat kame mio acel kikom jo atino kame oyei ango gi dubo, oudo koto bedo ber ka kotweo ne kidi me riego i ngute di oko uce i nam.

Doko ka wangi en kame mi idubo, gole ooko, pien eber ne in donyo i Ajakanut ka Rubanga abongo wangi acel, akaka bedo kede wangi are dedede di oko uci i mac kalikame to.