Popular Bible Verses from Marako 10

Share

Pien Wot ka dano da likame obino pi jo timo ne tic, do en ebino pi timo tic ne jo icegun kede pi jalo kuo mere pi lako jo atot.”

Yesu oko ngino gi di eko waco be, “Man likame twerere kibut dano, do weko kibut Rubanga, pien kibut Rubanga gi dedede twerere.”

Yesu oko waco ne be, “Ot do; yei ni ocangi.” Cucuto wange oko cako neno piny di do en eko cako lubo Yesu.

Pi mano, gikame Rubanga otieko ribo karacel, kur ngatamoro poki.”

Yesu oko ngine di oko bedo kede amara bute, di oko waco ne be, “In idong kede gi acel kame ipoore timo; oti icat jame dedede kame itie kede, di iko mino jocan sente kame iudo, di iko bino bedo kede abar i malo, di do iko bino luba.”

Yesu oko penye be, “Imito be atim ni nyo?” Emuduk nono oko dwoko be, “Apwony, mi wanga nen piny.”

Do man likame epone kame miero ebed kede i diere wu. Do ngat kame mito bedo dano kame pire dwong kikom wu, miero ebed ngatic wu

Ateteni awaco ne wu be, ngat kalikame gamo Ajakanut ka Rubanga bala atin atitidi, likame ebino donyo iye.”

Do jo atot kame nataman tie me agege bino bedo me ajikini, kede jo kame nataman tie me ajikini bino bedo me agege.”

Do i agege, i kare me cwec, iwandik kacil waco be, ‘Rubanga ocweo gi icuo kede dako. Pi manoni, icuo bino weko papa mere kede toto mere, di en eko ribere kede dako mere, gin jo are go kiko doko kom acel.’ Aso, udo likame doko kitie jo are.